1 Ebyomubyanda 4 - Baibuli Ekibono kya Katonda 2014

Baidhukulu ba Yuda

¹ Bano n'abandi ku baidhukulu ba Yuda: Perezi, Hezironi, Karumi, Huri, ni Shobali.

² Shobali yaazaala Reaya, Reaya yaazaala Yahathi, Yahathi yaazaala Ahumai ni Lahadi abaasimukamu abatyamye b'e Zora.

³ Etamu yaazaala abaana abalenzi basatu: Yezireeli, Ishima, ni Idibbashi. Era yaazaala n'omwana omughala mulala, nga ni Hazzeleliponi.

⁴ Penueli lata wa Gedori ni Ezeri lata wa Husha, baali batabane ba Huri omwana omuberi owa Efuratha eyali muka Kalebu. Huri oyo n'eyasimukamu Bethelehemu.

⁵ Ashuhuri lata wa Tekoa yali n'abakazi babiri: Hela ni Naara.

⁶ Ashuhuri oyo yaazaala ni Naara abaana bano: Ahuzzamu, Heferi, Temeni, ni Haahashitari.

⁷ Ate yaazaala ni Hela abaana bano: Zerethi, Izahara, ni Ethinani.

⁸ Kozi yaazaala Anubu, ni Zobeba, era yaaba dhaadha w'enda edhaasimuka mu Ahariheli mutabane wa Harumu.

⁹ Ghaaligho omusaadha nga ni Yabezi, eyali ow'ekitiibwa okusinga baganda be. Inhina yamutuuma eriina eryo Yabezi, kuba yamuluma inho ng'amuzaala.

¹⁰ Yabezi yaasaba Katonda ati: “Wo Katonda, mpa enkabi, ogaziye ekiketezo kyange, era banga ghalala ninze okumponia buli kabi, kalobenga kuntuukaku.” Era Katonda yaamugha kye yasaba.

Enkalala edhindi edh'obuzaale bw'abantu

¹¹ Kalebu muganda wa Shuha yaazaala Mehiri, Mehiri yaazaala Eshitoni.

¹² Eshitoni yaazaala abaana basatu: Bethirafa, Pasea, ni Tehinna. Tehinna yaazaala Irinahashi. Abaasimuka mu abo, n'abatyamye b'e Reka.

¹³ Kenazi yaazaala abaana babiri: Othinieli ni Seraia. Othinieli yaazaala abaana babiri: Hathathi ni Meonothai.

¹⁴ Meonothai yaazaala Ofura. Seraia yaazaala Yoabu eyasimukamu ab'omu Kiiko ekyetebwa eky'Abagheesi, kuba abantu baamu baali bagheesi.

¹⁵ Kalebu mutabane wa Yefune yazaala Iru, Ela, ni Naamu. Ela yaazaala Kenazi.

¹⁶ Yehalleleli yaazaala: Zifu, Zifa, Tiria, ni Asareli.

¹⁷ Ezira yaazaala: Yetheri, Meredi, Eferi, ni Yaloni. Meredi yaabayiza Bithia mughala wa kyabazinga w'e Misiri, baazaala omwana omughala nga ni Miriamu, era baazaala n'abaana abalenzi babiri: Shammai ni Ishiba. Ishiba oyo yaazaala Eshitemoa.

¹⁸ Meredi yaabayiza n'omukazi Omuyudaaya, baazaala abaana abalenzi basatu: Yeredi eyazaala Gedori, Heberi eyazaala Soko, ni Yekuthieli eyazaala Zanoa.

¹⁹ Hodia yaabayiza mwanhina Nahamu. Batabane ba muka Hodia oyo, baasimukamu Keila ow'e Garumi ni Eshitemoa ow'e Maakathi.

²⁰ Shimoni yaazaala: Amunoni, Rinna, Benihanani, ni Tiloni. Ishi yaazaala Zohethi ni Benizohethi.

Baidhukulu ba Shela

²¹ Shela mutabane wa Yuda n'eyasimukamu bano: Eri eyazaala Leka; ni Laada eyazaala Maresha, abo nga baali ba ku nda edh'abantu abaalukanga engoye empegheevu ab'e Bethi Ashibea;

²² ni Yokimu n'abatyamye ab'e Kozeba; era ni Yoashi ni Sarafu, abaafuganga mu Moabu ni mu Bethelehemu (Ebyafaayo ebyo byaligho ira inho).

²³ Abantu abo baali bawumbi abaakoleranga kyabazinga, nga baba mu Netaimu ni mu Gedera.

Baidhukulu ba Simeoni

²⁴ Simeoni yaazaala: Nemueli, Yamini, Yaribu, Zera, ni Shaulo.

²⁵ Shaulo yaazaala Shallumu, Shallumu yaazaala Mibusamu, Mibusamu yaazaala Mishima.

²⁶ Mishima yazaala Hammueli, Hammueli yaazaala Zakkuri, Zakkuri yaazaala Shimei.

²⁷ Shimei yaazaala abaana abalenzi ikumi na mukaaga, n'abaghala mukaaga. Aye baganda be tibaazaala baana kamaala, era ekika kyaibwe tikyayala ng'ekya Yuda bwe kyayala.

²⁸ Baidhukulu ba Simeoni baasenga mu bibuga bino: Beerisheba, Molada, Hazarishualo,

²⁹ Biliha, Ezemu, Toladi,

³⁰ Bethueli, Horuma, Zikulaga,

³¹ Bethi Marukabothi, Hazarisusimu, Bethibiri, ni Shaaraimu. Ebyo n'ebyali ebibuga byaibwe okutuusa Daudi bwe yafuuka kyabazinga.

³² N'ebyalo byaibwe byali bino: Etamu, Aini, Rimmoni, Tokeni, ni Ashani. Byonabyona aghalala byali ebibuga bitaanu,

³³ nga kw'otaire ebyalo ebyezungulwire ebibuga ebyo okutuukira irala e Baali. Bino n'ebighandiiko ebyogera ku bakulu b'enda dhe baasimukamu, ni ku biketezo bye baabangamu:

³⁴ Meshobabu, ni Yamuleki, ni Yosha mutabane wa Amazia,

³⁵ ni Yoeli, ni Yehu mutabane wa Yoshibia, Yoshibia eyali mutabane wa Seraia, Seraia eyali mutabane wa Asieli.

³⁶ Okwo waayongeraku ni Elioenai, ni Yaakoba, ni Yeshohaia, ni Asaia, ni Adieli,

³⁷ ni Yesimieli, ni Benaia, ni Ziza mutabane wa Shifi, Shifi eyali mutabane wa Alloni, Alloni eyali mutabane wa Yedaia, Yedaia eyali mutabane wa Shimuri, Shimuri eyali mutabane wa Shemaia.

³⁸ Abo beene maina agoogeirwaku baali bakulu ba nda dhaibwe. Era olulyo lwaibwe bwe lweyongera okwala einho,

³⁹ baasengukira ere aghaingirirwa e Gedori ku luuyi lw'e buvandhuba w'ekiiko, nga bali kwagalira ebyayo byaibwe eisubi.

⁴⁰ Baayagaanayo aghantu aghali eisubi eirungi eigimu, mu kiketezo ekigazi era ekiwolu ekiidhwire emiraala. Abatyamye baamu abaasooka baali nga basimuka mu Hamu.

⁴¹ Mu biseera kyabazinga Hezekia bye yafugiramu Buyudaaya, abo beene maina agoogeirwaku baalumba ekiketezo ekyo, baazikiriza weema dh'abatyamye baayo, baazikiriza n'Abameuni be baayagaanayo. Beene baasenga mu kifo kyaibwe ni ye buli eno, kuba ghaaligho eisubi ery'okwayiramu ebyayo byaibwe.

⁴² Ebikumi bitaanu ku abo baaja ku lusozi Seiri, nga bakulembeirwamu batabane ba Ishi bano: Pelatia, Nearia, Refaia, ni Uzzieli.

⁴³ Eyo baitirayo Abamaleki abaali bawoniegho nga balumukiireyo, beene baasengayo ni ye buli eno.