1 Ebyomubyanda 25 - Baibuli Ekibono kya Katonda 2014

Abembi b'omu isinzizo lya Musengwa Katonda

¹ Daudi ng'ali ghalala n'abaakuliranga eby'okusinza, baalonda ab'oku nda edh'Abalevi dhino okulangiriranga obukwenda bwa Musengwa Katonda nga bemba enhembo bwe bakubiraku endingidi, entongooli, n'ebide: ab'oku nda ya Asafu, n'ab'oku ya Hemani, n'ab'oku ya Yeduthuni. Luno n'olukalala olw'abo be baalonda okukola omulimo ogwo nga bajiira ku mirimo gye baali baja okukolanga:

² Mu bantu abaasimuka mu Asafu, baalondamu bano: Zakkuri, Yosefu, Nethania, ni Asharela. Asafu n'eyakulemberanga batabane be abo, baalangiriranga obukwenda bwa Musengwa Katonda, nga kyabazinga bwe yabalagiranga.

³ Mu bantu abaasimuka mu Yeduthuni, baalondamu batabane ba Yeduthuni oyo omukaaga bano: Gedalia, Zeri, Yeshaia, Shimei, Hashabia, ni Mattithia. Iseibwe oyo Yeduthuni n'eyakulemberanga, baalangiriranga obukwenda bwa Musengwa Katonda, nga bemba enhembo edh'okumwebaza n'okumusaaka nga bwe bakubiraku endingidi.

⁴ Mu bantu abaasimuka mu Hemani, baalondamu batabane ba Hemani oyo bano: Bukkia, Mattania, Uzzieli, Shebueli, Yerimothi, Hanania, Hanani, Eliatha, Gaddaliti, Romamutiezeri, Yoshibekasha, Mallothi, Hothiri, ni Mahaziothi.

⁵ Katonda yagha Hemani oyo abaana abalenzi eikumi n'abana abo boonaboona era yaamugha n'abaghala basatu, olw'okumugheesa ekitiibwa nga bwe yamusuubiza. Hemani oyo n'eyaghanga kyabazinga amagezi ku bigema ku Katonda,

⁶ era n'eyakulemberanga batabane abo mu nhembo edh'omu isinzizo lya Musengwa Katonda, nga bakubiraku ebide, endingidi n'entongooli. Asafu, Yeduthuni, ni Hemani, baakolanga nga kyabazinga bwe yabalagiranga.

⁷ Abo boonaboona aghalala ni Balevi banaibwe abaatendekebwa ni baba abakugu mu by'okwembera Musengwa Katonda, baali ebikumi bibiri na kinaana na munaana (288).

⁸ Boonaboona abo baabakubiranga bululu okubalonda okubagha emirimo, k'abe omukulu oba omuto, omukugu oba omwega.

⁹ Mu b'oku nda ya Asafu akalulu akaasooka kaagwa ku Yosefu. Akokubiri kaagwa ku Gedalia, ni baganda be, era ni batabane be, boonaboona aghalala baaba abantu ikumi na babiri.

¹⁰ Akokusatu kaagwa ku Zakkuri, ni batabane be, era ni baganda be, boonaboona aghalala baaba abantu ikumi na babiri.

¹¹ Akokuna kaagwa ku Iziri, ni batabane be, era ni baganda be, boonaboona aghalala baaba abantu ikumi na babiri.

¹² Akokutaanu kaagwa ku Nethania, ni batabane be, era ni baganda be, boonaboona aghalala baaba abantu ikumi na babiri.

¹³ Akomukaaga kaagwa ku Bukkia, ni batabane be, era ni baganda be, boonaboona aghalala baaba abantu ikumi na babiri.

¹⁴ Akomusanvu kaagwa ku Yesharela, ni batabane be, era ni baganda be, boonaboona aghalala baaba abantu ikumi na babiri.

¹⁵ Akomunaana kaagwa ku Yeshaia, ni batabane be, era ni baganda be, boonaboona aghalala baaba abantu ikumi na babiri.

¹⁶ Akomwenda kaagwa ku Mattania, ni batabane be, era ni baganda be, boonaboona aghalala baaba abantu ikumi na babiri.

¹⁷ Akeikumi kaagwa ku Shimei, ni batabane be, era ni baganda be, boonaboona aghalala baaba abantu ikumi na babiri.

¹⁸ Akeikumi n'akalala kaagwa ku Shimei, ni batabane be, era ni baganda be, boonaboona aghalala baaba abantu ikumi na babiri.

¹⁹ Akeikumi n'obubiri kaagwa ku Hashabia, ni batabane be, era ni baganda be, boonaboona aghalala baaba abantu ikumi na babiri.

²⁰ Akeikumi n'obusatu kaagwa ku Shubaeli, ni batabane be, era ni baganda be, boonaboona aghalala baaba abantu ikumi na babiri.

²¹ Akeikumi n'obuna kaagwa ku Mattithia, ni batabane be, era ni baganda be, boonaboona aghalala baaba abantu ikumi na babiri.

²² Akeikumi n'obutaanu kaagwa ku Yerimothi, ni batabane be, era ni baganda be, boonaboona aghalala baaba abantu ikumi na babiri.

²³ Akeikumi n'omukaaga kaagwa ku Hanania, ni batabane be, era ni baganda be, boonaboona aghalala baaba abantu ikumi na babiri.

²⁴ Akeikumi n'omusanvu kaagwa ku Yoshibekasha, ni batabane be, era ni baganda be, boonaboona aghalala baaba abantu ikumi na babiri.

²⁵ Akeikumi n'omunaana kaagwa ku Hanani, ni batabane be, era ni baganda be, boonaboona aghalala baaba abantu ikumi na babiri.

²⁶ Akeikumi n'omwenda kaagwa ku Mallothi, ni batabane be, era ni baganda be, boonaboona aghalala baaba abantu ikumi na babiri.

²⁷ Akamakumi abiri kaagwa ku Eliatha, ni batabane be, era ni baganda be, boonaboona aghalala baaba abantu ikumi na babiri.

²⁸ Akamakumi abiri n'akalala kaagwa ku Hothiri, ni batabane be, era ni baganda be, boonaboona aghalala baaba abantu ikumi na babiri.

²⁹ Akamakumi abiri n'obubiri kaagwa ku Giddaluti, ni batabane be, era ni baganda be, boonaboona aghalala baaba abantu ikumi na babiri.

³⁰ Akamakumi abiri n'obusatu kaagwa ku Mahaziothi, ni batabane be, era ni baganda be, boonaboona aghalala baaba abantu ikumi na babiri.

³¹ Ate akamakumi abiri n'obuna kaagwa ku Romamti Ezera, ni batabane be, era ni baganda be, boonaboona aghalala baaba abantu ikumi na babiri.