1 Ebyomubyanda 2 - Baibuli Ekibono kya Katonda 2014

Baidhukulu ba Yuda

¹ Bano n'abaana Yakobo be yazaala: Reubeni, Simeoni, Levi, Yuda, Issakari, Zebuluni,

² Dani, Yosefu, Benjamini, Nafutali, Gadi, ni Asheri.

³ Yuda yaazaala abaana bano abasatu ni mukazi we Omukanaani eyayetebwanga Bathishua: Eri, Onani, ni Shela. Eri oyo, eyali omwana omuberi owa Yuda, yali muntu mubi inho, era Musengwa Katonda yaamwita n'okumwita.

⁴ Yuda era yaazaala abaana abandi bano mu Tamari mukaamwana we: Perezi ni Zela. Abaana ba Yuda boonaboona aghalala, baali bataanu.

⁵ Perezi yaazaala Hezironi ni Hamuli.

⁶ Zera yaazaala abaana bataanu bano: Zimuri, Ethani, Hemani, Kalokoli, ni Dara.

⁷ Karumi yaazaala Akari eyaleetera Abaisiraeli obuzibu, olw'okwonoona ebintu ebyali bigheereibwayo okuba ebya Katonda.

⁸ Ethani yaazaala Azaria.

Olulyo kyabazinga Daudi lwe yasimukamu

⁹ Hezironi yaazaala: Yerahameeli, Ramu, ni Kelibai.

¹⁰ Ramu yaazaala Amminadabu, Amminadabu yaazaala Nahashoni omukulembeze w'ab'ekika kya Yuda.

¹¹ Nahashoni yaazaala Saluma, Saluma yaazaala Boazi,

¹² Boazi yaazaala Obedi, Obedi yaazaala Yesse.

¹³ Yesse yaazaala abaana abalenzi musanvu: Eliabu nga n'omuberi, kwairaku Abinadabu, kwairaku Shimea,

¹⁴ kwairaku Nethaneli, kwairaku Raddai,

¹⁵ kwairaku Ozemu, ate ku oyo kwairaku Daudi.

¹⁶ Era yaazaala n'abaana abaghala babiri: Zeruia ni Abigaili. Zeruia yaazaala abaana abalenzi basatu: Abishai, Yoabu, ni Asaheli.

¹⁷ Abigaili yaazaala Amasa. Lata wa Amasa oyo nga ni Yetheri Omuishimaeli.

Baidhukulu ba Hezironi

¹⁸ Kalebu mutabane wa Hezironi yaazaala ni mukazi we Azuba omwana omughala, nga ni Yeriothi. Era mukazi we Azuba oyo, yaazaala abaana abalenzi bano: Yesheri, Shobabu, ni Arudoni.

¹⁹ Azuba bwe yafa, Kalebu yaabayiza Efurathi yaamuzaalamu omwana nga ni Huri.

²⁰ Huri oyo yaazaala Uri, ate Uri Yazaala Bezaleli.

²¹ Hezironi bweyali ng'agheza emyaka nkaaga egy'obukulu, yaabayiza mughala wa Makiri yaamuzaalamu omwana nga ni Segubu. Makiri oyo nga ni lata wa Gileadi.

²² Segubu yaazaala Yairi eyali mwene bibuga amakumi abiri n'ebisatu mu kiketezo ky'e Gileadi.

²³ Aye obwakyabazinga bw'e Geshuri ni mu Aramu bwabanhagaku ebibuga bya Yairi ni Kenathi nkaaga, ghalala n'ebyalo ebibyezungulwire. Abantu boonaboona abaali eyo, nga n'abasimuka mu Makiri, lata wa Gileadi.

²⁴ Hezironi bwe yamala okufa, Kalebu yaazaala ni Efurathi namwandu wa lata we Hezironi oyo omwana, nga ni Ashuhuri. Ashuhuri oyo ni lata wa Tekoa.

Baidhukulu ba Yerahameeli

²⁵ Yerahameeli eyali omwana omukulu owa Hezironi, yaazaala abaana bano: Ramu nga n'omuberi, ni Buna, ni Oreni, ni Ozemu, ni Ahiya.

²⁶ Yerahameeli yali n'omukazi owundi nga ni Atara, ye yazaala naye Onamu.

²⁷ Ramu eyali omwana omukulu owa Yerahameeli, yaazaala Maazi, ni Yamini, ni Ekeri.

²⁸ Onamu yaazaala Shammai ni Yada. Ate Shammai yaazaala Nadabu ni Abishuri.

²⁹ Abishuri yaabayiza omukazi nga ni Abihaili, yaamuzaalamu Ahibani ni Molidi.

³⁰ Ate Nadabu yaazaala Seledi ni Appaimu. Aye Seledi yaafa nga tazaireeku mwana.

³¹ Appaimu yazaala Ishi, Ishi yaazaala Sheshani, ate Sheshani yaazaala Ahalai.

³² Yada muganda wa Shammai yaazaala Yetheri ni Yonathani. Aye Yetheri yaafa nga tazaireeku mwana.

³³ Yonathani yaazaala Pelethi ni Zaza. Abo ni baidhukulu ba Yerahameeli.

³⁴ Sheshani tiyazaalaku mwana mulenzi, yazaala baghala beereere. Aye yali n'omwiru we Omumisiri nga ni Yaruha.

³⁵ Kale Sheshani yaatoola mughala we yaamugha omwiru we oyo Yaruha yaamubayiza, era yaazaala naye Attai.

³⁶ Attai yaazaala Nathani, Nathani yaazaala Zabadi,

³⁷ Zabadi yaazaala Efulali, Efulali yaazaala Obedi.

³⁸ Obedi yaazaala Yehu, Yehu yaazaala Azaria.

³⁹ Azaria yaazaala Helezi, Helezi yaazaala Eleasa.

⁴⁰ Eleasa yaazaala Sisimai, Sisimai yaazaala Shallumu.

⁴¹ Shallumu yaazaala Yekamia, Yekamia yaazaala Elishama.

Baidhukulu ba Kalebu abandi

⁴² Mesha n'eyali omwana omukulu owa Kalebu, ate Kalebu oyo nga muganda wa Yerahameeli. Mesha oyo yaazaala Zifu, Zifu yaazaala Maresha, Maresha yaazaala Heburoni.

⁴³ Heburoni yaazaala Kora, ni Tappua, ni Rekemu, ni Shema.

⁴⁴ Shema yaazaala Rahamu eyali lata wa Yorukeamu, ate Rekemu yaazaala Shammai.

⁴⁵ Shammai yaazaala Maoni, ate Maoni yaazaala Bethizuri.

⁴⁶ Kalebu yali n'omukazi ow'embali nga ni Efa, yaamuzaalamu Harani, ni Moza, ni Gazezi. Harani oyo yazaala omwana yeena baamweta Gazezi.

⁴⁷ Yahadai yaazaala: Regemu, ni Yothamu, ni Geshani, ni Peleti, ni Efa, ni Shaafu.

⁴⁸ Kalebu yali n'omukazi owundi ow'embali nga ni Maaka, yaamuzaalamu Sheberi ni Tirihana.

⁴⁹ Era yaamuzaalamu Shaafu lata wa Madimanina, ni Sheva lata wa Makibena era lata wa Gibea. Kalebu yaliku mughala we nga bamweta Akisa.

⁵⁰ Bano n'abaasimuka mu Kalebu: Huri n'eyali omwana omukulu owa Kalebu, ye yazaala mu mukazi we Efuratha. Huri oyo yaazaala Shobali lata wa Kiriathi Yearimu.

⁵¹ Mutabane we owokubiri Saluma ni lata wa Bethelehemu. Mutabane we owokusatu Harefu ni lata wa Bethigaderi.

⁵² Shobali lata wa Kiriathi Yearimu, n'eyali dhaadha wa Haroe n'ekitundu ekirala ku bitundu ebibiri eby'Abamenuhothi.

⁵³ Era yaaba dhaadha w'ebika ebyali mu Kiriathi Yearimu, bino: Abaithiri, Abaputhi, Abashumathi, n'Abamishirai. Mu bika ebyo n'omwava Abazorathi n'Abeshitaoli.

⁵⁴ Saluma n'eyali lata wa Bethelehemu, era eyasimukamu Abanetofathi, Abatirothi Bethi Yoabu, era n'Abazori abaali ekitundu ekirala ku bitundu ebibiri eby'Abamanahathi.

⁵⁵ Bino n'ebika eby'abaghandiisi abaabanga e Yabezi: Abatirathi, Abashimeathi, n'Abasukathi. Abo n'Abakeni abaava e Hamathi eyasimuka Abarekabu.