TIMOTHI MƆƐKƐ TIŊDƐ 4 - Sherbro New Testament Portions

¹ Ya mɔ gbɔnda Hɔbatokɛ che ni Krayst Jisɔs wɔ bi ha thoŋga anya ihɔlɔŋdɛ ni anya wuɛ, ni ka hun wɔɛ ni pɔk wɔɛ:

² Thɛkɛsi hɔk Hɔbatokɛ, che lɛni mɛŋk gbi, ha pɔ laanɛ, hɔl, ni tɔŋk, ma mani ha bi muyu ni ha toŋgi.

³ Haliwɔ mɛŋkɛ hɔ hunɛ yɛ ayin chen pɛ muyu toŋgi tiŋtiŋ, kɛ ka nui thi sɔkul hae dikilɛni anya toŋgiɛ ŋa la ŋa yema theɛ,

⁴ ŋaye thimni ha lɔŋ nui ko tiŋtiŋ dɛ ŋae pɔŋni ko mbɛn.

⁵ Ŋa hɔm, bi bolɛ bul, muyu ha che thenɛki, ha mpanth ma mɔ thɛkɛsi hɔk Hɔbatokɛ, ŋa mpanth mamɔɛ

⁶ Ya koŋ bɛmpani ha pɔn hok mi saka; mɛŋk mi kɔndɛ koŋ mɔɛ.

⁷ Ya koŋ chɔ chɔthi yegbeɛ, ya koŋ ka ihamdɛ, ya koŋ laanɛ.

⁸ Labi pɔ koŋ mi thɔndɔ gba che charaŋ, ŋɔ Bɛɛ, nɔ thoŋga tiŋtiŋdɛ, bi ha kami hwɛyɛ vɛ, ni chen ha yaŋ gbo kɛ ko hanɛ ha chɔŋ hun wɔɛ lendɛ.

Hɔk ma mi ndel lɛ

⁹ Nchɔ kath ha mɔn hun kɛkɛ komika.

¹⁰ Ha Demas, yɛ koŋ chɔŋ hɔlɔɛ ki lendɛ, koŋ mi kosini ni kɔni Thɛsalonikako; Krisɛns koŋ koni Galeshiako, Taytɔs Dalmasiako

¹¹ Luk wɔn kɛn wɔm ntɛnt ka. Lɛliɛ Mak ni chima wɔ; haliwɔ wɔm bɔ ha mpanth.

¹² Ya koŋ wom Tikikɔs Ɛfisɔsko.

¹³ Yɛ mɔ hundɛ, chima lomɔɛ kɔ ya le ko Kapɔsɛ Trɔsko, ni raythɛ, teŋgateŋga hathi kɔ ŋvisɛ.

¹⁴ Alɛksandra kɛbiɛ hami jali wɔi li bom; Bɛɛ bi ha paka wɔ ha chekin ma wɔɛ

¹⁵ Hɔmbɛ bɛkninten ha wɔn, haliwɔ chɔma wom li hiɛ kathba.

¹⁶ Hɔmini nsendɛ nɔgbi sɛmɛ mini veleŋ; han gbi ŋa kosiɛmini. Ha la maha lem!

¹⁷ Kɛ Bɛɛ sɛmɛ mi veleŋ ni kami fɔsa ha cham Womdi Yegbeɛ gbi, chelɛ ŋanɛ ŋa cheni Ajuwaɛ ha thela. Ni pɔ mie loli hiŋg sɔndaɛ nyɔhɔl.

¹⁸ Bɛɛ bi ha pa mi hiŋg iwɛi gbi ni loliɛ mi ha bɛɛliwɔ arijanaɛ. Gbɛŋ kɔche ko-wɔ-ko ha chɔŋgba ni chɔŋgba. Vɛlache.

Lɛiŋ mɛkindɛ

¹⁹ Lɛyŋyɛ mi Priska ni Akwila, ni ram Onisifɔrɔsɛ.

²⁰ Ɛrastɔs le Kɔrinthko; ya le Trɔfimɔs naka Miletɔsko.

²¹ Nchɔ kath ni hun henandɛ ŋɔhɔm mɔɛ. Ibulɔs wom leiŋ komɔko, kendɛ Pudɛns ni Linɔs ni Klɔdia ni anya ha gbi.

²² Bɛɛ chema min mɔ charaŋ dɛ. Wɔŋɔ Hɔbatokɛ kɔ che ma mɔ.