ATHƐSALONIANAƐ MƆƐKƐ TIŊDƐ 3 - Sherbro New Testament Portions

Ŋa sɛli ha hin

¹ Mɛkindɛ ni gbi, anyami, ŋa sɛli ha hin, chelɛ hɔk Bɛɛ kɔ gbam kɛkɛ kɛkɛ ni pɔ kɔye yɛthi ka limani sɔŋkɔma hɔ kɔ han thiyeŋdɛ,

² ni pɔ hiye loli hiŋg anya kafaɛ ni anya wɔy yɛ; haliwɔ chen ŋan gbi ŋa bi laanɛ.

³ Kɛ Bɛɛ wɔ tiŋtiŋ; bi ha ka nɔ gbɔl kathil ni paa nɔ hiŋg iwɔy.

⁴ Ni hi bi kithgbɔl Bɛɛay ha ŋan, lɛ ŋa haa ni ŋa bi ha haa lanɔ la hi gbɔndaɛ.

⁵ Ha Bɛɛ bɛ gbɔl thi nɔɛ ko chɔŋmalen ma Hɔbatokɛ ni ko yɛthi kath Kraystɛ.

Ŋhɔlagboɛ gbi mpanth ma ha hani

⁶ Yɛlayo hi nɔ gbɔnda, anyami, ilel Bɛɛ hiɛ Jisɔs Kraystay, lɛ ŋa kɛŋgiɛni nɔɛ gbi wɔ yemani ha mpanthɛ ni wɔ yemani lem mbɛnɛɛ ma ŋa sɔthɔ hiŋg hindɛ.

⁷ Haliwɔ hanayɛn ŋa si hɔ ŋa ha che hi nɛmɛniɛ; hi ka cheni iyema ha len yɛ hi ka che ni ŋandɛ,

⁸ hi ka joni njema nɔ gbi ha ipakala, kɛ ka mpanth ni jali haa hi haa mpanth ichɔl ni ipal, chelɛ hi manɔ bɛ bɔŋ hiɛ.

⁹ Lachendɛlɛ hi ka biɛni isɔn dɛvɛ, kɛ ha hin kanɔ thambasey nche yegbe ha han nɛmɛni.

¹⁰ Haliwɔ yɛ hi ka che ni ŋandɛ hi kanɔ gbɔndaɛ ki: nɔɛ gbi wɔ hani gbo mpanthɛ ma jo.

¹¹ Haliwɔ hi theyɛ lɛ apum han thiyeŋ ŋa gbo chɛŋg iyemahalen, anya ja lemɛ thanthɛn, ŋa chen ha mpanth gbi.

¹² Yɛlayo hi gbɔnda ni hi thɛlɛni ka ilel Bɛɛ Jisɔs Kraystɛ lɛ anya chevɛ ŋa haa mpanth ma haɛ pempem ni ŋa lɛliɛ njema ŋa joo.

¹³ Anyami, ŋama ker ha haa ikɛlɛŋ

¹⁴ yɛ nɔ gbi kɛyɛ gbo ha haa lanɔ la hi wɔ rayowayyɛ, ŋa lomani nɔɛ vɛ, ni ŋama bi len gbi ha hama wɔ, chelɛ wɔ lap.

¹⁵ Ŋama wɔ lɛli mɔɛ nɔnɔ limith kɛ ŋa mɛy wɔ sɔŋgɔma pɛnte.

Ŋhɔk ma mɛkin

¹⁶ Yɛlayo ŋa Bɛɛ mbɔsɛ kanɔ mbɔs mɛŋkɛ hɔn gbi naythinday gbi. Bɛɛ chema nɔ han gbi

¹⁷ Yaŋ, Pɔl, ya gbala lɛiŋ yo ka piamdɛ. Lomandɛ kɔki raythimday gbi; vɛ ya gbalɛ.

¹⁸ Ha wɔŋɔ Bɛɛ hiɛ Jisɔs Krayst chema han gbi.