TIMOTHI NSENDƐ 3 - Sherbro New Testament Portions

Ŋsɛmthacheɛ kil Hɔbatokɛay

¹ La pɔ hɔɛ la rɔŋ: Yɛ nɔɛ gbi wɔ yema sɛm ko sɛmthi kɛnda bomdɛ, yema mpanth ŋkɛlɛŋ.

² Yɛlayoɛ kɛnda bomdɛ chen ha bi nthɛkɛ, pok nɔma bul, gbɔl bɔsul, nten, juju, yɛthi anyin yeŋkɛlɛŋ, wɔ bɔ ha toŋgi,

³ be nɔ kulɔ ha yil, chen ŋa che nɔ yege yege kɛ nɔ mbɔs, chen ha cheɛ nɔ ŋhɔ, ni chen ha chɔŋ fe len.

⁴ Wɔ bɔ lɛli hoŋ wɔɛ yeŋkɛlɛŋ, dum apuma wɔɛ ihinilɛay ni limani naythindɛ gbi;

⁵ kɛ yɛ nɔ bɔni si lɛli hoŋ wɔɛ ŋhɔ wɔ bɔ lɛli kump Hɔbatokɛ atoka?

⁶ Chen ŋa cheɛ nɔɛ wɔ kan gbo piŋginiɛ, o wɔ bi ha che thɛŋgthiwɔl, ni wɔye bi ilɔ min wɛiyɛ;

⁷ la lelɔpɛ wɔ ha cheɛ nɔɛ wɔ anya tilaŋ ŋa bi itɛnin kɛlɛŋ ha wɔndɛ, o wɔ yema duk ndap kunɛ ni ko chokoth min dɛ.

Anya bɛmani kil Hɔbatokɛay

⁸ Ŋanɛ ŋa fɛtɛ ŋkɛndaɛ ŋa ha che sɔbɛ, ŋa chen ha bi miliŋ litiŋ, ŋa ma wɔŋni ŋkɛn ko mɔɛ ŋgbe, ŋa ma che njɛm ha sɔthɔ bɛrɛ,

⁹ ŋa ha bi sɔkɔth ha laanɛ ka loni bolɛ charaŋ.

¹⁰ Ni ha pɔ le ŋa hɛl nsen; ni yɛ ŋa toŋgiɛ gbo ibiɛn nthɛkɛ ŋa ha ha mpanth ma ŋanɛ ha fɛtɛ kɛndaɛ.

¹¹ Amaɛ ŋabi ha che sɔbɛ, ŋa chen ha cheɛ anya chɛŋgɛ ŋhɔk, kɛ gbɔl mɛsɛ, ŋa ha che tiŋtiŋ naythɛ than gbi.

¹² Ha ŋanɛ ŋa fɛtɛ ŋkɛndaɛ ŋa cheɛ apukan abiɛ ama bulbul, ni ŋa lɛli apuma ŋaɛ atok ni hoŋ thiŋaɛ yeŋkɛlɛŋ;

¹³ haliwɔ ha ŋanɛ ha ha mpanth ŋkɛlɛŋ kendɛ ŋanɛ ha fɛtɛ ŋkɛndaɛ ŋa sɔthɔ bɛrɛ sɛmthi yegbe ŋa ndelma ha ni ŋa ye bi kithgbɔl bom ki laanɛ kɔ Krayst Jisɔsayɛ.

Jali mathan bomdɛ

¹⁴ Ya bi kithgbɔl ha hun ko nɔ ko kɛkɛo, kɛ ya ni gbal lanɛ ki la ŋa ha haɛ, chelɛ,

¹⁵ yɛ ya hunɔn gbo poe, ŋa ha si ŋɔ nɔ wɔ ha dumni ichɛli Hɔbatokɛay, ŋɔɛ kil hɛn Hɔbatokɛ ihɔlɔŋdɛ, tɔŋ ni sɛbɛ kil ha tiŋtiŋdɛ.

¹⁶ Hi laŋniɛ kɛ sɔkɔth thubi hiɛ kɔ bomba: Pɔ ka toŋgiwɔ ki jal lɛ, ni Min Charaŋ wɔ wɔye toŋgi nɔ rɔŋdɛ, malka ha wɔ ye ke, thɛkɛsi la pɔksay, hɔlɔɛ ŋɔ wɔ ye laanɛ, thɛŋg wɔ Arijana.