Luke 3 - Sangu: Isangu (snq) NT

Mabigu maloonze Sa Batiste

¹ Ve bile Tibere Sesar ne digumi di bilime ne bilime biranu ve dinyaange gu Rome, Ponse Pilate abile yivuunde gi museengi wu Sudé, ne Irode Atipase abile yivuunde gi museengi wu Galilé; Filip mwaane ngwandi, abile yivuunde gi tseengi yi Ituré ne Trakonitide, kere Lisanyas yivuunde gi Abilene.

² Ane ne Kayif babile bivuunde bi baveegitsi ba malagu, dikyesi dyene re di Nzambi ayambile ne Sa mwaane Sakari gu yigaangi.

³ Sa ayendenge gu museengi wotsu wu mu tuungu mwaambe wu Surde nuloonzenge re: «Kalulanu buyedi, batuswanu mure yenu dikesiingulu kokolu mu mabi menu.»

⁴ Nave teendu dyo mu mugaande wu Isayi mubigitsi Nzambi re: «Mutu agonebwamugu gu yigaangi re kuunzanu banzile tsi Fumu mu mirime myenu, suungiganu mikiinde myandi.

⁵ Bambeengi bootsu babasu, mikoongu ne bikukune byootsu biseengu, marooku mootsu masuungugu, banzile tsi mamanyi tsiseengu

⁶ Ne batu bootsu bagulabe muyobulitsi wukesindige Nzambi.»

Mutsuundu

⁷ Ve ruge batu ba mbili mubatusu ne Sa, ayambile yawu re: «Dibure dibambisi wutseloonze yenu disuge diwurine kabu Nzambi yikarugi nde nyi?

⁸ Vaganu nde maambu mamanyi muloonze re yenu dimakalule bitsagilitsi. Diyameme mu yenu bene re Abaraam tayetu, mumbare mayambile yenu re, nisi mamanyi maame Nzambi arungule wukaluse mo baane ba Abaraam.

⁹ Diraambile, pivi yikeke yisiingugu mutabule mikange mi miri; kagu mwiri wotsu wugabure miluunde miminyi wugugwaangu ne wuveru gu mbaawu.»

Miluunde mi diburu dimoone

¹⁰ Ve yulu mbili batu maambu mene batombenge Sa re: «Ake yetu divagi nde tsenyi?»

¹¹ Ayagule yawu re: «Mutu wukebile ne mangoyi mabeyi aveegi dimoosi gu wugabile ne dyo, wotsu wune kure, aveegi wugabile ne yo.»

¹² Baboongitsi ba lepu ne yawu baruge mubatusu naandi, ne batombe Sa re: «Muloonzi yetu divagi nde tsenyi?»

¹³ Agabusile yawu re: «Diyaboonge gu batu bagundige ve yulu birumu yenu.»

¹⁴ Migole ne yawu batombe yandi re: Ake yetu divage nde tsenyi? Ayagule yawu re: «Diyaboonge badole ne mbabu, vo wufurigile mutu dyaambu muroonde wuyibile yandi, te labanu wunyi mu futu yigoneveegu yenu.»

Sa ayambile tsaangu yi wukarugi

¹⁵ Batu bootsu baviingilenge, ne bataasange mu mirime myawu mu dyaambu di Sa re: «Wuwu sakebile re mutu Wusoolu ne Nzambi wugoneviingulwa?»

¹⁶ Sa ayagule yawu bootsu re: «Me, mabatise yenu ne maambe, te wukayitsi re wuvyogilile me Ngudi. Masaandi ne dinyaange di wunyangule mikudu mi mataambi mandi. Yandi agubatise yenu ne Dinyunyi Disuungeme, ne mbaawu.

¹⁷ Yandi agaangile yisanyulu ve dikake mubale yitsige ne mu wusanyi bakodu bakeyange yandi gu butale bwandi. Te bipupu byootsu biguveru gu mbaawu yigatsime.»

¹⁸ Kere vane Sa akoonde mbili bandoongi tsimosi nuloonzenge batu musamu wumunyi.

Disukusulu di yisalu gi Sa Batise

¹⁹ Irode murumitsi gu Galilé aduumbe mwaane tayandi mugatsi ndugandi Irodyade, avagenge ne mbili maambu mamosi mamabi. Re dibaandu Sa aseembe yandi mu mo.

²⁰ Dibi dimosi dikoonde yandi ve yulu mabi mootsu ma mareege re dinyingise yandi Sa gu tsugu.

Sesu abatusu

²¹ Sa ne ginene sunzu gu tsugu, abatisenge batu. Wisi wumoosi ve mane yandi wubatise batu, Sesu aruge gu batusu naandi. Ve saambilenge Sesu, yulu yitsibuge.

²² Dinyunyi Disuungeme disunde mu yandi mu yibagunu gi dibeembi, duufi diruge gu yulu re: «Yire Mwaanami wu murime, makalabi wunyi mu yu.»

Bukulu bu Sesu

²³ Ve baande Sesu yisalu gi Nzambi, abile ve pwase magumi mareru ma bilime, batu bataasenge re abile mwaane Susefu, Susefu mwaane Ili.

²⁴ Ili abile mwaane Matate, Matate mwaane Levi, Levi mwaane Melki, Melki mwaane Sanayi, Sanayi mwaane Susefu.

²⁵ Susefu abile mwaane Matatyas, Matatyas mwaane Amose, Amose mwaane Nawume, Nawume mwaane Esli, Esli mwaane Nagayi;

²⁶ Nagayi bile mwaane Mate, Mate mwaane Matatyas, Matatyas mwaane Semeyé, Semeyé mwaane Yoseke, Yoseke mwaane Yoda.

²⁷ Yoda abile mwaane Yowana, Yowana mwaane Resa, Resa mwaane Sorobabele, Sorobabele mwaane Salatyele, Salatyele mwaane Neri.

²⁸ Neri abile mwaane Melki, Melki mwaane Adi, Adi mwaane Kosame, Kosame mwaane Elmadame, Elmadame mwaane Ere.

²⁹ Ere abile mwaane Sesu, Sesu mwaane Elyesere, Elyesere mwaane Yorime, Yorime mwaane Matate, Matate mwaane Levi.

³⁰ Levi abile mwaane Simeo, Simeo mwaane Suda, Suda mwaane Susefu, Susefu, mwaane Yoname, Yoname mwaane Elyakim.

³¹ Elyakim abile mwaane Meleya, Meleya mwaane Mena, Mena mwaane Matate, Matate mwaane Nata, Nata mwaane David.

³² David abile mwaane Isayi, Isayi mwaane Obed, Obed mwaane Bose, Bose mwaane Sala, Sala mwaane Naason.

³³ Naason abile mwaane Aminadabe, Aminadabe mwaane Admin, Admin mwaane Arni, Arni mwaane Ersone, Ersone mwaane Perese, Perese mwaane Suda,

³⁴ Suda abile mwaane Sakob, Sakob mwaane Isaak, Isaak mwaane Abaraam, Abaraam mwaane Tera, Tera mwaane Nagore.

³⁵ Nagore mwaane Seruge, Seruge mwaane Rewu, Rewu mwaane Falek, Falek mwaane Ebere, Ebere mwaane Sala.

³⁶ Sala abile mwaane Kénane, Kénane mwaane Arpakesade, Arpakesade mwaane Seme, Seme mwaane Nowé, Nowé mwaane Lemek.

³⁷ Lemek abile mwaane Matusalem, Matusalem abile mwaane Enok, Enok mwaane Yerede, Yerede mwaane Malele, Malele mwaane Kénane.

³⁸ Kénane abile mwaane Enose, Enose mwaane Sete, Sete mwaane Adam, Adam wusuundu ne Nzambi.