U-ISAYA 12 - IsiNdebele 2012 Translation

¹ Mhlokho wena Israyeli uzakuthi: “Somnini, ngizakukudumisa. Nanyana bewungisilingakalele, ilaka lakho lisukile wabuye wangiduduza.

² Ngambala uZimu uyisindiswami, ngizamethemba ngingesabi. USomnini, iye uSomnini umamandla neenkhwepha zami begodu uyisindiswami.”

³ Nizakukha amanzi ngokuthaba emthonjeni wesindiso.

⁴ Mhlokho nizakuthi: “Bongani uSomnini, nibize ibizo lakhe; nazise izenzo zakhe phakathi kwezizwe; nimemezele bona ibizo lakhe liphakamile.

⁵ Dumisani uSomnini ngombana wenze izinto ezibabazekako; lokhu akwaziwe ephasini loke.

⁶ Hlokomani, nililizele nina zakhamuzi zeZiyoni, ngombana mkhulu hlangana nani oCwengileko wakwa-Israyeli.”