U-EZRA 2 - IsiNdebele 2012 Translation

Irhelo labathunjwa ababuyela kwaJuda

¹ UNebukadinetsari, ikosi yeBhabheli gade athumbe amaJuda wawasa eBhabheli. Abantwaba bebaphume ekuthunjweni babuyela eJerusalema nemizinabo esifundeni sakwaJuda.

² Bebakhamba noZerubhabheli, uJetjhuwa, uNerhemiya, uSeraya, uReyelaya, uMoridekayi, uBhilitjhani, uMisiphari, uBhigivayi, uRerhumu noBhana. Isibalo samadoda wakwa-Israyeli ngilesi:

³ Iinzukulwana zakaParotjhi beziziinkulungwana ezimbili nekhulu namatjhumi alikhomba nambili,

⁴ zakaTjhefathiya zimakhulu amathathu namatjhumi alikhomba nambili,

⁵ zaka-Ararhi zimakhulu alikhomba namatjhumi alikhomba nahlanu,

⁶ zakaParhathi-Mowabi okutjho amadodana kaJetjhuwa noJowabi, beziziinkulungwana ezimbili namakhulu abunane netjhumi nambili,

⁷ zaka-Elamu ziyikulungwana namakhulu amabili namatjhumi amahlanu nane,

⁸ zakaZathu zimakhulu alithoba namatjhumi amane nahlanu,

⁹ zakaZakayi zimakhulu alikhomba namatjhumi asithandathu,

¹⁰ zakaBhani zimakhulu asithandathu namatjhumi amane nambili,

¹¹ zakaBebayi zimakhulu asithandathu namatjhumi amabili nantathu,

¹² zaka-Azigadi ziyikulungwana namakhulu amabili namatjhumi amabili nambili,

¹³ zaka-Adonikhamu zimakhulu asithandathu namatjhumi asithandathu nasithandathu,

¹⁴ zakaBhigivayi ziziinkulungwana ezimbili namatjhumi amahlanu nasithandathu,

¹⁵ zaka-Adini zimakhulu amane namatjhumi amahlanu nane,

¹⁶ zaka-Atheri okutjho zakaHezekhiya zimatjhumi alithoba nabunane,

¹⁷ zakaBhetsayi zimakhulu amathathu namatjhumi amabili nantathu,

¹⁸ zakaJora zilikhulu netjhumi nambili,

¹⁹ zakaRhatjhumu zimakhulu amabili namatjhumi amabili nantathu,

²⁰ zakaGibhari zimatjhumi alithoba nahlanu.

²¹ Izakhamuzi zeBhethe-Lehema bezilikhulu namatjhumi amabili nantathu,

²² zeNethofa zimatjhumi amahlanu nasithandathu,

²³ ze-Anatothi zilikhulu namatjhumi amabili nabunane,

²⁴ ze-Azimavethi zimatjhumi amane nambili,

²⁵ zeKhiriyathi-Arimu, zeKefira neBherothi zimakhulu alikhomba namatjhumi amane nantathu,

²⁶ zeRama neGeba zimakhulu asithandathu namatjhumi amabili nanye,

²⁷ zeMikimasi zilikhulu namatjhumi amabili nambili,

²⁸ zeBhethe-Eli ne-Ayi zimakhulu amabili namatjhumi amabili nantathu,

²⁹ zeNebo zimatjhumi amahlanu nambili.

³⁰ Iinzukulwana zakaMagibhitjhi bezilikhulu namatjhumi amahlanu nasithandathu,

³¹ zaka-Elamu omunye ziyikulungwana namakhulu amabili namatjhumi amahlanu nane,

³² zakaRharimu zimakhulu amathathu namatjhumi amabili.

³³ Izakhamuzi zeLodi, iRhadidi ne-Ono bezimakhulu alikhomba namatjhumi amabili nahlanu,

³⁴ zeJerikho zimakhulu amathathu namatjhumi amane nahlanu,

³⁵ zeSenaya ziziinkulungwana ezintathu namakhulu asithandathu namatjhumi amathathu.

³⁶ Isibalo sabaphristi ngilesi: Iinzukulwana zakaJedaya wendlu kaJetjhuwa zimakhulu alithoba namatjhumi alikhomba nantathu,

³⁷ zaka-Imeri ziyikulungwana namatjhumi amahlanu nambili,

³⁸ zakaPatjhirhuri ziyikulungwana namakhulu amabili namatjhumi amane nalikhomba,

³⁹ zakaRharimu ziyikulungwana netjhumi nekhomba.

⁴⁰ Isibalo samaLevi ngilesi: Iinzukulwana zakaJetjhuwa noKhadimiyeli, okutjho iinzukulwana zakaHodaviya, zimatjhumi alikhomba nane.

⁴¹ Isibalo sabavumi ngilesi: Iinzukulwana zaka-Asafa, zilikhulu namatjhumi amabili nabunane.

⁴² Isibalo sabalindisango ngilesi: Iinzukulwana zakaTjhalumu, zaka-Atheri, zakaThalimoni, zaka-Akhubu, zakaRhathitha noTjhobabi, sezizoke bezilikhulu namatjhumi amathathu nethoba.

⁴³ Iinsebenzi zethempeli ngilezi: Iinzukulwana zakaTsirha, zakaRhasufa nezakaThabhawothi,

⁴⁴ zakaKherosi, zakaSiyaha nezakaPadoni,

⁴⁵ zakaLebana, zakaRhagaba nezaka-Akhubu,

⁴⁶ zakaRhagabi, zakaTjhamlayi nezakaRhanani,

⁴⁷ zakaGideli, zakaGarhari nezakaRaya,

⁴⁸ zakaRetsini, zakaNekhoda nezakaGazamu,

⁴⁹ zaka-Uza, zakaPaseyarha nezakaBesayi,

⁵⁰ zaka-Asina, zakaMewunimu nezakaNefusimu,

⁵¹ zakaBakhibhukhi, zakaRhakhufa nezakaRharirhuri,

⁵² zakaBhatsiluthi, zakaMerhida nezakaRharitjha,

⁵³ zakaBarikhosi, zakaSisera nezakaTemarhi,

⁵⁴ zakaNetsiyarhi nezakaRhathifa.

⁵⁵ Iinzukulwana zeenceku zakaSolomoni ngilezi: Iinzukulwana zakaSothayi, zakaHasoferethi nezakaPeruda,

⁵⁶ zakaJala, zakaDarikhoni nezakaGideli,

⁵⁷ zakaTjhefathiya, zakaRhathili, zakaPhokerethi-Hatsebayimu nezaka-Ami.

⁵⁸ Sezizoke iinceku zethempelini kanye neenzukulwana zeensebenzi zakaSolomoni bezimakhulu amathathu namatjhumi alithoba nambili.

⁵⁹ Abalandelakwaba ngilabo ebegade baphuma emzini weTeli-Melarhi, weTeli-Rharitjha, weKerubu, we-Adani newe-Imeri. Kodwana akhange bakwazi ukuzihlathulula bonyana badabukaphi ngokwekoro nokobana kungabe basizukulwana sakwa-Israyeli na.

⁶⁰ Bona-ke bebamakhulu asithandathu namatjhumi amahlanu nambili, baziinzukulwana zakaDelaya, zakaThobiya nezakaNekhoda.

⁶¹ Godu bekunjalo ngabaphristi bemindeni kaRhobaya, kaHakhotsi neyakaBharzilayi. (Umndeni kaBharzilayi bewubizwa ngebizweli ngombana ukhokhwabo gade athethe umfazi emadodakazini wakwaBharzilayi umGiliyadi.)

⁶² Abaphristabo baphenya ukutloliswa kwabo erhelweni leenzukulwana ebegade sele zitlolisiwe, kodwana akhange bafunyanwe lapho. Nje-ke bakhutjhwa ebuphristini njengabangakahlambuluki.

⁶³ Umbusi wesikhatheso wabatjela bonyana akukameli bahlanganyele ekudleni kweminikelo ecwenge khulu ukufikela lapha kuzakuba nomphristi omkhulu owenza iqunto nge-urimi nethumimi.

⁶⁴ Sele bahlangene baboke bebaziinkulungwana ezimatjhumi amane nambili namakhulu amathathu namatjhumi asithandathu.

⁶⁵ Ngaphezu kwalabo bekunalaba: amakhoboka namakhobokakazi aziinkulungwana ezilikhomba namakhulu amathathu namatjhumi amathathu nalikhomba, abavumi abaduna nabasikazi abamakhulu amabili,

⁶⁶ iinjomani ezimakhulu alikhomba namatjhumi amathathu nantandathu, iimeyila ezimakhulu amabili namatjhumi amane nahlanu,

⁶⁷ amakamela amakhulu amane namatjhumi amathathu nahlanu, abodumbana abaziinkulungwana ezisithandathu namakhulu alikhomba namatjhumi amabili.

⁶⁸ Ezinye iinhloko zemindeni zathi lokha nazifika ethempelini lakaSomnini eJerusalema, zanikela umnikelo wesihle kobana kwakhiwe ithempeli lakaZimu endawenalo.

⁶⁹ Zanikela ngokwamandlazo esikhwameni somsebenzi wokwakha, kwaba pheze makhilogremu amakhulu amahlanu wegolide, amakhilogremu aziinkulungwana ezintathu wesiliva nekhulu leemphuraphura zabaphristi.

⁷⁰ Abaphristi, amaLevi kanye nabanye abantu bahlala eJerusalema nemaphethelwenalo. Abavumi, abalindisango, iinsebenzi zethempeli kanye nenengi lama-Israyeli bahlala emizinabo.