UNUMERI 7 - IsiNdebele 2012 Translation

Ukwahlukaniselwa kwethaberinakeli nezipho zakhona

¹ Kwathi mhlana uMosi aqeda ukujamisa ithaberinakeli walahlukanisela kanye nepahlalo yoke ngokulizesa. Godu wahlukanisela i-aldari neensetjenziswa zakhona zoke ngokulizesa.

² Emva kwalokho abarholi bakwa-Israyeli abaziinhloko zemindeni yaboyise, okutjho iinduna zeenkoro ebegade ziqale abatlolisweko,

³ baletha iminikelwabo phambi kwakaSomnini: iinkoloyana ezivalekileko ezisithandathu neenkomo ezilitjhumi nambili. Abarholi ababili baletha ikoloyana yinye, umrholi ngamunye waletha ikomo. Kwathi bona balethe koke lokho phambi kwethaberinakeli,

⁴ uSomnini wathi kuMosi:

⁵ “Kwamukele lokho kibo ukuze kusetjenziselwe imisebenzi yetende lokuhlanganela. Kunikele amaLevi mayelana nomsebenzi ekufuze wenziwe mumuntu ngamunye.”

⁶ Ngokunjalo uMosi wathatha iinkoloyana neenkomo wazinikela amaLevi.

⁷ Iinkoloyana ezimbili neenkomo ezine wazinikela amaGeritjhoni, ngokuya ngokomsebenzawo;

⁸ kwathi iinkoloyana ezine neenkomo ezibunane wazinikela amaMerari ngokomsebenzawo. Boke bebangaphasi kwesandla saka-Itamara umsa ka-Aroni umphristi.

⁹ Kodwana amaKhehathi akhange awanikele ilitho ngombana wona gade anomsebenzi wepahla yendawo ecwengileko ebe kufuze ayithwale ngamahlombe.

¹⁰ Ngelanga i-aldari elahlukaniselwa ngalo, abarholi baletha iminikelwabo yokuhloma umnyanya walo. Kwathi lokha nabaletha iminikelwabo phambi kwe-aldari,

¹¹ uSomnini wakhuluma noMosi wathi: “Abalethe iminikelwabo yokuhloma umnyanya we-aldari kube mrholi munye ilanga nelanga.”

¹² Umrholi owaletha umnikelwakhe ngelanga lokuthoma kwaba nguNarhitjhoni umsa ka-Aminadaba wekoro yakwaJuda.

¹³ Umnikelwakhe kwaba sisitja esikhulu sesiliva, sinobudisi obulikhilogremu elilodwa nesiquntu. Waletha nesitja sokunyenyeza sinobudisi obumagremu amakhulu abunane ukuya ngesilinganiso sendawo ecwengileko. Zombili izitjezo bezinomhlumba weflowuru esefiweko edutjwe ngamafutha we-oliva bona kube mnikelo weenthoro.

¹⁴ Godu waletha nesitja segolide esinobudisi bamagremu alikhulu netjhumi, sigcwele amakha,

¹⁵ ikunzana eyodwa, iqama elilodwa neqamanyana elilodwa elinomnyaka kwaba ngokomhlabelo wokutjhiswa.

¹⁶ Wabuya godu wanikela nangepongo yomhlabelo wehlambululo,

¹⁷ iinkomo ezimbili, amaqama amahlanu, iimpongo ezihlanu kanye namaqamanyana amahlanu anomnyaka munye bona kube ngokomhlabelo wetjhebiswano. Ngilowo-ke umnikelo kaNarhitjhoni umsa ka-Aminadaba.

¹⁸ Ngelanga lesibili uNataneli umsa kaTsuwari umrholi wama-Isakari, waletha wakhe umnikelo.

¹⁹ Umnikelwakhe kwaba sisitja esikhulu sesiliva, sinobudisi obulikhilogremu elilodwa nesiquntu. Waletha nesitja sokunyenyeza sinobudisi obumagremu amakhulu abunane ukuya ngesilinganiso sendawo ecwengileko. Zombili izitjezo bezinomhlumba weflowuru esefiweko edutjwe ngamafutha we-oliva bona kube mnikelo weenthoro.

²⁰ Godu waletha nesitja segolide esinobudisi bamagremu alikhulu netjhumi, sigcwele amakha,

²¹ ikunzana eyodwa, iqama elilodwa neqamanyana elilodwa elinomnyaka kwaba ngokomhlabelo wokutjhiswa.

²² Wabuya godu wanikela nangepongo yomhlabelo wehlambululo,

²³ iinkomo ezimbili, amaqama amahlanu, iimpongo ezihlanu kanye namaqamanyana amahlanu anomnyaka munye bona kube ngokomhlabelo wetjhebiswano. Ngilowo-ke umnikelo kaNataneli umsa kaTsuwari.

²⁴ Ngelanga lesithathu u-Eliyabu umsa kaRheloni umrholi wamaZebuloni, naye waletha umnikelo.

²⁵ Umnikelwakhe kwaba sisitja esikhulu sesiliva, sinobudisi obulikhilogremu elilodwa nesiquntu. Waletha nesitja sokunyenyeza sinobudisi obumagremu amakhulu abunane ukuya ngesilinganiso sendawo ecwengileko. Zombili izitjezo bezinomhlumba weflowuru esefiweko edutjwe ngamafutha we-oliva bona kube mnikelo weenthoro.

²⁶ Godu waletha nesitja segolide esinobudisi bamagremu alikhulu netjhumi, sigcwele amakha,

²⁷ ikunzana eyodwa, iqama elilodwa neqamanyana elilodwa elinomnyaka kwaba ngokomhlabelo wokutjhiswa.

²⁸ Wabuya godu wanikela nangepongo yomhlabelo wehlambululo,

²⁹ iinkomo ezimbili, amaqama amahlanu, iimpongo ezihlanu kanye namaqamanyana amahlanu anomnyaka munye bona kube ngokomhlabelo wetjhebiswano. Ngilowo-ke umnikelo ka-Eliyabu umsa kaRheloni.

³⁰ Ngelanga lesine u-Elitsuri umsa kaTjhedewuri umrholi wamaRubeni, naye waletha umnikelo.

³¹ Umnikelwakhe kwaba sisitja esikhulu sesiliva, sinobudisi obulikhilogremu elilodwa nesiquntu. Waletha nesitja sokunyenyeza sinobudisi obumagremu amakhulu abunane ukuya ngesilinganiso sendawo ecwengileko. Zombili izitjezo bezinomhlumba weflowuru esefiweko edutjwe ngamafutha we-oliva bona kube mnikelo weenthoro.

³² Godu waletha nesitja segolide esinobudisi bamagremu alikhulu netjhumi, sigcwele amakha,

³³ ikunzana eyodwa, iqama elilodwa neqamanyana elilodwa elinomnyaka kwaba ngokomhlabelo wokutjhiswa.

³⁴ Wabuya godu wanikela nangepongo yomhlabelo wehlambululo,

³⁵ iinkomo ezimbili, amaqama amahlanu, iimpongo ezihlanu kanye namaqamanyana amahlanu anomnyaka munye bona kube ngokomhlabelo wetjhebiswano. Ngilowo-ke umnikelo ka-Elitsuri umsa kaTjhedewuri.

³⁶ Elangeni lesihlanu uTjhelumiyeli umsa kaTsuritjhadayi umrholi wamaSimiyoni, naye waletha umnikelo.

³⁷ Umnikelwakhe kwaba sisitja esikhulu sesiliva, sinobudisi obulikhilogremu elilodwa nesiquntu. Waletha nesitja sokunyenyeza sinobudisi obumagremu amakhulu abunane ukuya ngesilinganiso sendawo ecwengileko. Zombili izitjezo bezinomhlumba weflowuru esefiweko edutjwe ngamafutha we-oliva bona kube mnikelo weenthoro.

³⁸ Godu waletha nesitja segolide esinobudisi bamagremu alikhulu netjhumi, sigcwele amakha,

³⁹ ikunzana eyodwa, iqama elilodwa neqamanyana elilodwa elinomnyaka kwaba ngokomhlabelo wokutjhiswa.

⁴⁰ Wabuya godu wanikela nangepongo yomhlabelo wehlambululo,

⁴¹ iinkomo ezimbili, amaqama amahlanu, iimpongo ezihlanu kanye namaqamanyana amahlanu anomnyaka munye bona kube ngokomhlabelo wetjhebiswano. Ngilowo-ke umnikelo kaTjhelumiyeli umsa kaTsuritjhadayi.

⁴² Elangeni lesithandathu u-Eliyasafa umsa kaDewuyeli umrholi wamaGadi, naye waletha umnikelo.

⁴³ Umnikelwakhe kwaba sisitja esikhulu sesiliva, sinobudisi obulikhilogremu elilodwa nesiquntu. Waletha nesitja sokunyenyeza sinobudisi obumagremu amakhulu abunane ukuya ngesilinganiso sendawo ecwengileko. Zombili izitjezo bezinomhlumba weflowuru esefiweko edutjwe ngamafutha we-oliva bona kube mnikelo weenthoro.

⁴⁴ Godu waletha nesitja segolide esinobudisi bamagremu alikhulu netjhumi, sigcwele amakha,

⁴⁵ ikunzana eyodwa, iqama elilodwa neqamanyana elilodwa elinomnyaka kwaba ngokomhlabelo wokutjhiswa.

⁴⁶ Wabuya godu wanikela nangepongo yomhlabelo wehlambululo,

⁴⁷ iinkomo ezimbili, amaqama amahlanu, iimpongo ezihlanu kanye namaqamanyana amahlanu anomnyaka munye bona kube ngokomhlabelo wetjhebiswano. Ngilowo-ke umnikelo ka-Eliyasafa umsa kaDewuyeli.

⁴⁸ Ngelanga lekhomba u-Elitjhama umsa ka-Amihudi umrholi wama-Efrayimu, naye waletha umnikelo.

⁴⁹ Umnikelwakhe kwaba sisitja esikhulu sesiliva, sinobudisi obulikhilogremu elilodwa nesiquntu. Waletha nesitja sokunyenyeza sinobudisi obumagremu amakhulu abunane ukuya ngesilinganiso sendawo ecwengileko. Zombili izitjezo bezinomhlumba weflowuru esefiweko edutjwe ngamafutha we-oliva bona kube mnikelo weenthoro.

⁵⁰ Godu waletha nesitja segolide esinobudisi bamagremu alikhulu netjhumi, sigcwele amakha,

⁵¹ ikunzana eyodwa, iqama elilodwa neqamanyana elilodwa elinomnyaka kwaba ngokomhlabelo wokutjhiswa.

⁵² Wabuya godu wanikela nangepongo yomhlabelo wehlambululo,

⁵³ iinkomo ezimbili, amaqama amahlanu, iimpongo ezihlanu kanye namaqamanyana amahlanu anomnyaka munye bona kube ngokomhlabelo wetjhebiswano. Ngilowo-ke umnikelo ka-Elitjhama umsa ka-Amihudi.

⁵⁴ Ngelanga lobunane uGamaliyeli umsa kaPedatsuri umrholi wakwaManase, naye waletha umnikelo.

⁵⁵ Umnikelwakhe kwaba sisitja esikhulu sesiliva, sinobudisi obulikhilogremu elilodwa nesiquntu. Waletha nesitja sokunyenyeza sinobudisi obumagremu amakhulu abunane ukuya ngesilinganiso sendawo ecwengileko. Zombili izitjezo bezinomhlumba weflowuru esefiweko edutjwe ngamafutha we-oliva bona kube mnikelo weenthoro.

⁵⁶ Godu waletha nesitja segolide esinobudisi bamagremu alikhulu netjhumi, sigcwele amakha,

⁵⁷ ikunzana eyodwa, iqama elilodwa neqamanyana elilodwa elinomnyaka kwaba ngokomhlabelo wokutjhiswa.

⁵⁸ Wabuya godu wanikela nangepongo yomhlabelo wehlambululo,

⁵⁹ iinkomo ezimbili, amaqama amahlanu, iimpongo ezihlanu kanye namaqamanyana amahlanu anomnyaka munye bona kube ngokomhlabelo wetjhebiswano. Ngilowo-ke umnikelo kaGamaliyeli umsa kaPedatsuri.

⁶⁰ Ngelanga lethoba u-Abidani umsa kaGidiyoni umrholi wamaBhenjamini, naye waletha umnikelo.

⁶¹ Umnikelwakhe kwaba sisitja esikhulu sesiliva, sinobudisi obulikhilogremu elilodwa nesiquntu. Waletha nesitja sokunyenyeza sinobudisi obumagremu amakhulu abunane ukuya ngesilinganiso sendawo ecwengileko. Zombili izitjezo bezinomhlumba weflowuru esefiweko edutjwe ngamafutha we-oliva bona kube mnikelo weenthoro.

⁶² Godu waletha nesitja segolide esinobudisi bamagremu alikhulu netjhumi, sigcwele amakha,

⁶³ ikunzana eyodwa, iqama elilodwa neqamanyana elilodwa elinomnyaka kwaba ngokomhlabelo wokutjhiswa.

⁶⁴ Wabuya godu wanikela nangepongo yomhlabelo wehlambululo,

⁶⁵ iinkomo ezimbili, amaqama amahlanu, iimpongo ezihlanu kanye namaqamanyana amahlanu anomnyaka munye bona kube ngokomhlabelo wetjhebiswano. Ngilowo-ke umnikelo ka-Abidani umsa kaGidiyoni.

⁶⁶ Ngelanga letjhumi u-Arhiyezeri umsa ka-Amitjhadayi umrholi wamaDani, naye waletha umnikelo.

⁶⁷ Umnikelwakhe kwaba sisitja esikhulu sesiliva, sinobudisi obulikhilogremu elilodwa nesiquntu. Waletha nesitja sokunyenyeza sinobudisi obumagremu amakhulu abunane ukuya ngesilinganiso sendawo ecwengileko. Zombili izitjezo bezinomhlumba weflowuru esefiweko edutjwe ngamafutha we-oliva bona kube mnikelo weenthoro.

⁶⁸ Godu waletha nesitja segolide esinobudisi bamagremu alikhulu netjhumi, sigcwele amakha,

⁶⁹ ikunzana eyodwa, iqama elilodwa neqamanyana elilodwa elinomnyaka kwaba ngokomhlabelo wokutjhiswa.

⁷⁰ Wabuya godu wanikela nangepongo yomhlabelo wehlambululo,

⁷¹ iinkomo ezimbili, amaqama amahlanu, iimpongo ezihlanu kanye namaqamanyana amahlanu anomnyaka munye bona kube ngokomhlabelo wetjhebiswano. Ngilowo-ke umnikelo ka-Arhiyezeri umsa ka-Amitjhadayi.

⁷² Ngelanga letjhumi nanye uPagiyiyeli umsa ka-Okirani umrholi wama-Atjheri, naye waletha umnikelo.

⁷³ Umnikelwakhe kwaba sisitja esikhulu sesiliva, sinobudisi obulikhilogremu elilodwa nesiquntu. Waletha nesitja sokunyenyeza sinobudisi obumagremu amakhulu abunane ukuya ngesilinganiso sendawo ecwengileko. Zombili izitjezo bezinomhlumba weflowuru esefiweko edutjwe ngamafutha we-oliva bona kube mnikelo weenthoro.

⁷⁴ Godu waletha nesitja segolide esinobudisi bamagremu alikhulu netjhumi, sigcwele amakha,

⁷⁵ ikunzana eyodwa, iqama elilodwa neqamanyana elilodwa elinomnyaka kwaba ngokomhlabelo wokutjhiswa.

⁷⁶ Wabuya godu wanikela nangepongo yomhlabelo wehlambululo,

⁷⁷ iinkomo ezimbili, amaqama amahlanu, iimpongo ezihlanu kanye namaqamanyana amahlanu anomnyaka munye bona kube ngokomhlabelo wetjhebiswano. Ngilowo-ke umnikelo kaPagiyiyeli umsa ka-Okirani.

⁷⁸ Ngelanga letjhumi nambili u-Arhira umsa ka-Enani umrholi wamaNafitali, naye waletha umnikelo.

⁷⁹ Umnikelwakhe kwaba sisitja esikhulu sesiliva, sinobudisi obulikhilogremu elilodwa nesiquntu. Waletha nesitja sokunyenyeza sinobudisi obumagremu amakhulu abunane ukuya ngesilinganiso sendawo ecwengileko. Zombili izitjezo bezinomhlumba weflowuru esefiweko edutjwe ngamafutha we-oliva bona kube mnikelo weenthoro.

⁸⁰ Godu waletha nesitja segolide esinobudisi bamagremu alikhulu netjhumi, sigcwele amakha,

⁸¹ ikunzana eyodwa, iqama elilodwa neqamanyana elilodwa elinomnyaka kwaba ngokomhlabelo wokutjhiswa.

⁸² Wabuya godu wanikela nangepongo yomhlabelo wehlambululo,

⁸³ iinkomo ezimbili, amaqama amahlanu, iimpongo ezihlanu kanye namaqamanyana amahlanu anomnyaka munye bona kube ngokomhlabelo wetjhebiswano. Ngilowo-ke umnikelo ka-Arhira umsa ka-Enani.

⁸⁴ Leyo gade kuminikelo yokuhloma umnyanya we-aldari eyalethwa barholi bakwa-Israyeli ngesikhathi elahlukaniselwa ngalo. Bekuzizitja ezikulu zesiliva ezilitjhumi nambili, izitja zokunyenyeza zesiliva ezilitjhumi nambili kanye nezinye izitjana zegolide ezilitjhumi nambili.

⁸⁵ Esinye nesinye isitja esikhulu sesiliva besinobudisi obulikhilogremu elilodwa nesiquntu bese kuthi isitja sokunyenyeza sibe nobudisi obumagremu amakhulu abunane. Ubudisi bezitja zesiliva sezizoke ukuya ngesilinganiso sendawo ecwengileko bebumakhilogremu amatjhumi amabili nabunane.

⁸⁶ Izitja zegolide ezilitjhumi nambili ezigcwele amakha bezinobudisi obumagremu alikhulu netjhumi ngokuya ngesilinganiso sendawo ecwengileko. Ubudisi begolide lezitjezo zoke bebungaba likhilogremu nesiquntu.

⁸⁷ Zoke iinkomo zomhlabelo wokutjhiswa bewuziinkunzi ezilitjhumi nambili, amaqama alitjhumi nambili, amaqamanyana anomnyaka munye alitjhumi nambili kanye nomnikelo wakhona weenthoro. Godu bekuneempongo ezilitjhumi nambili zomhlabelo wehlambululo.

⁸⁸ Kuthi zoke iinkomo zomhlabelo wetjhebiswano kube ziinkunzi ezimatjhumi amabili nane, amaqama amatjhumi asithandathu, iimpongo ezimatjhumi asithandathu kanye namaqamanyana anomnyaka munye amatjhumi asithandathu. Lokho bekuminikelo yokuhloma umnyanya we-aldari emva kokobana selihlukaniselwe.

⁸⁹ Kwathi lokha uMosi nakangena ngetendeni lokuhlanganela bona ayokukhuluma noSomnini, wezwa ilizwi likhuluma naye livela esisibekelweni somfaji wobufakazi hlangana namakerubhi amabili. Ngendlela leyo uSomnini bekakhuluma naye.