UNERHEMIYA 7 - IsiNdebele 2012 Translation

Ukuvuselelwa kwedorobho

¹ Kwathi ngemva kokobana umthangala sele uvuselelwe ngafaka iminyango. Ngabeka abalindisango, abavumi namaLevi emisebenzinabo.

² Godu ngabeka umfowethu uRhanani kanye noRhananiya induna yobuphephelo bona babe baqapheli beJerusalema. URhananiya loyo gade athembeke khulu begodu ayindoda edlula abanengi ngokwesaba uZimu.

³ Ngathi kibo: “Amasango weJerusalema akangavulwa bekube kulokha ilanga lithoma ukutjhisa. Begodu abalindisango abavale iminyango bayifake iinqabo ngaphambi kobana batjhayise. Nikhethe abogadi hlangana nezakhamuzi zeJerusalema, omunye nomunye umjamise ngaphambi kwendlwakhe kobana aqaphe ibhodulukwelo.”

⁴ Idorobho belibanzi begodu lilikhulu, kodwana ngaphakathi kwalo bekunedlanzana labantu begodu nezindlu bezingakabi ukwakhiwa.

⁵ Nje-ke uZimu wabeka ehliziywenami bonyana ngihlanganise abosaziwako, iinkhulu kanye nabantu kobana bazitlolise erhelweni leenzukulwana. Ngafunyana nencwadi enerhelo leenzukulwana zalabo abakhuphuka kokuthoma, ngathola kutlolwe bunje:

⁶ Laba babantu besifunda abakhuphuka babuya ekuthunjweni, okutjho labo ebebathunjwe ngesikhathi sakaNebukadinetsari, ikosi yeBhabheli. Babuyela eJerusalema nakwaJuda, omunye nomunye emzinakhe.

⁷ Babuya noZerubhabheli, uJetjhuwa, uNerhemiya, u-Azariya, uRamiya, uNarhamani, uMoridekayi, uBhilitjhani, uMisipherethi, uBhigivayi, uNerhumu noBhana. Isibalo samadoda ebekungewakwa-Israyeli ngilesi:

⁸ Iinzukulwana zakaParotjhi beziziinkulungwana ezimbili nekhulu namatjhumi alikhomba nambili,

⁹ zakaTjhefathiya zimakhulu amathathu namatjhumi alikhomba nambili,

¹⁰ zaka-Ararhi zimakhulu asithandathu namatjhumi amahlanu nambili,

¹¹ zakaParhathi-Mowabi, okutjho amadodana kaJetjhuwa newakaJowabi, ziziinkulungwana ezimbili namakhulu abunane netjhumi nabunane,

¹² zaka-Elamu ziyikulungwana namakhulu amabili namatjhumi amahlanu nane,

¹³ zakaZatu zimakhulu abunane namatjhumi amane nahlanu,

¹⁴ zakaZakayi zimakhulu alikhomba namatjhumi asithandathu,

¹⁵ zakaBhinuyi zimakhulu asithandathu namatjhumi amane nabunane,

¹⁶ zakaBhebayi zimakhulu asithandathu namatjhumi amabili nabunane,

¹⁷ zaka-Azigadi ziziinkulungwana ezimbili namakhulu amathathu namatjhumi amabili nambili,

¹⁸ zaka-Adonikhamu zimakhulu asithandathu namatjhumi asithandathu nalikhomba,

¹⁹ zakaBhigivayi ziziinkulungwana ezimbili namatjhumi asithandathu nalikhomba,

²⁰ zaka-Adini zimakhulu asithandathu namatjhumi amahlanu nahlanu,

²¹ zaka-Atheri okutjho uHezekhiya zimatjhumi alithoba nabunane,

²² zakaRhatjhumu zimakhulu amathathu namatjhumi amabili nabunane,

²³ zakaBhetsayi zimakhulu amathathu namatjhumi amabili nane,

²⁴ zakaRharifi zilikhulu netjhumi nambili,

²⁵ zakaGibiyoni zimatjhumi alithoba nahlanu.

²⁶ Izakhamuzi zeBhethe-Lehema nezeNethofa bezilikhulu namatjhumi abunane nabunane,

²⁷ ze-Anatothi zilikhulu namatjhumi amabili nabunane,

²⁸ zeBhethe-Azimavethi zimatjhumi amane nambili,

²⁹ zeKhiriyathi-Jeyarimu, zeKefira nezeBherothi zimakhulu alikhomba namatjhumi amane nantathu,

³⁰ zeRama nezeGeba zimakhulu asithandathu namatjhumi amabili nanye,

³¹ zeMikimasi zilikhulu namatjhumi amabili nambili,

³² zeBhethe-Eli neze-Ayi zilikhulu namatjhumi amabili nantathu,

³³ zeNebo enye, zimatjhumi amahlanu nambili.

³⁴ Iinzukulwana zaka-Elamu omunye, beziyikulungwana namakhulu amabili namutjhumi amahlanu nane,

³⁵ zakaRharimu zimakhulu amathathu namatjhumi amabili.

³⁶ Izakhamuzi zeJerikho bezimakhulu amathathu namatjhumi amane nahlanu,

³⁷ zeLodi, zeRhadidi neze-Ono zimakhulu alikhomba namatjhumi amabili nanye,

³⁸ zeSenaya ziziinkulungwana ezintathu namakhulu alithoba namatjhumi amathathu.

³⁹ Isibalo sabaphristi ngilesi: Iinzukulwana zakaJedaya wendlu kaJetjhuwa bezimakhulu alithoba namatjhumi alikhomba nantathu,

⁴⁰ zaka-Imeri ziyikulungwana namatjhumi amahlanu nambili,

⁴¹ zakaPhatjhirhuri ziyikulungwana namakhulu amabili namatjhumi amane nalikhomba,

⁴² zakaRharimu ziyikulungwana netjhumi nalikhomba.

⁴³ Isibalo samaLevi ngilesi: Iinzukulwana zakaJetjhuwa, okutjho zakaKhadimiyeli odabuka eenzukulwaneni zakaHodeva, bezimatjhumi alikhomba nane.

⁴⁴ Isibalo sabavumi ngilesi: Iinzukulwana zaka-Asafa bezilikhulu namatjhumi amane nabunane.

⁴⁵ Isibalo sabalindisango ngilesi: Iinzukulwana zakaTjhalumu, zaka-Atheri, zakaThalimoni, zaka-Akhubu, zakaRhathitha nezakaTjhobayi bezilikhulu namatjhumi amathathu nabunane.

⁴⁶ Iinsebenzi zethempeli ngilezi: Bekuziinzukulwana zakaTsirha, zakaRhasufa nezakaThabhawothi,

⁴⁷ zakaKherosi, zakaSiya nezakaPadoni,

⁴⁸ zakaLebana, zakaRhagaba nezakaTjhalimayi,

⁴⁹ zakaRhanani, zakaGideli nezakaGarhari,

⁵⁰ zakaRaya, zakaRetsini nezakaNekhoda,

⁵¹ zakaGazamu, zaka-Uza nezakaPaseyarha,

⁵² zakaBesayi, zakaMewunimu nezakaNefutjhesimu,

⁵³ zakaBakhibukhi, zakaRhakhufa nezakaRharirhuri,

⁵⁴ zakaBhatsilithi, zakaMerhida nezakaRharitjha,

⁵⁵ zakaBarikhosi, zakaSisera nezakaTemarhi,

⁵⁶ zakaNetsiyarha nezakaRhathifa.

⁵⁷ Iinzukulwana zeenceku zakaSolomoni ngilezi: Bekuziinzukulwana zakaSothayi, zakaSoferethi nezakaPerida,

⁵⁸ zakaJala, zakaDarikhoni nezakaGideli,

⁵⁹ zakaTjhefathiya, zakaRhathili, zakaPhokerethi-Hatsebayimu nezaka-Amoni.

⁶⁰ Sezizoke iinceku zethempeli kanye neenzukulwana zeensebenzi zakaSolomoni bezimakhulu amathathu namatjhumi alithoba nambili.

⁶¹ Abalandelakwaba ngilabo ebegade baphuma eTeli-Melarhi, eTeli-Rharitjha, eKerubu, e-Adoni ne-Imeri. Kodwana azange bakwazi ukuzihlathulula bonyana badabukaphi ngokwekoro nokobana kungabe basizukulwana sakwa-Israyeli na.

⁶² Bona-ke bebamakhulu asithandathu namatjhumi amane nambili, baziinzukulwana zakaDelaya, zakaThobiya nezakaNekhoda.

⁶³ Godu bekunjalo ngabaphristi bemindeni kaRhobaya, kaHakhotsi neyakaBharzilayi. (Umndeni kaBharzilayi bewubizwa ngebizweli ngombana ukhokhwabo gade athethe umfazi emadodakazini wakwaBharzilayi, umGiliyadi.)

⁶⁴ Abaphristabo baphenya ukutloliswa kwabo erhelweni leenzukulwana ebegade sele zitlolisiwe, kodwana azange bafunyanwe lapho. Nje-ke bakhutjhwa ebuphristini njengabangakahlambuluki.

⁶⁵ Umbusi wesikhatheso wabatjela bonyana akukameli bahlanganyele ekudleni kweminikelo ecwenge khulu ukufikela lapha kuzakuba nomphristi omkhulu owenza iqunto nge-urimi nethumimi.

⁶⁶ Sele bahlangene baboke bebaziinkulungwana ezimatjhumi amane nambili namakhulu amathathu namatjhumi asithandathu.

⁶⁷ Ngaphezu kwalabo bekunalaba: Amakhoboka namakhobokakazi aziinkulungwana ezilikhomba namakhulu amathathu namatjhumi amathathu nalikhomba, abavumi abaduna nabasikazi bamakhulu amabili namatjhumi amane nahlanu.

⁶⁸ Iinjomani zona bezimakhulu alikhomba namatjhumi amathathu nasithandathu, iimeyila zimakhulu amabili namatjhumi amane nahlanu,

⁶⁹ amakamela amakhulu amane namatjhumi amathathu nahlanu, abodumbana baziinkulungwana ezisithandathu namakhulu alikhomba namatjhumi amabili.

Iminikelo malungana nomsebenzi wethempeli

⁷⁰ Abanye beenhloko zemindeni yaboyise bafaka isandla ngokunikela emsebenzini wethempeli. Umbusi wanikela esikhwameneso igolide elimakhilogremu abunane nesiquntu, izitja zokunyenyeza ezimatjhumi amahlanu nezambatho zabaphristi ezimakhulu amahlanu namatjhumi amathathu.

⁷¹ Ezinye iinhloko zemindeni yaboyise zanikela esikhwameni somsebenzi wethempeli ngegolide elimakhilogremu alikhulu namatjhumi alikhomba nesiliva elimakhilogremu ayikulungwana namakhulu amabili.

⁷² Ihlangano yona yafaka isandla ngegolide elimakhilogremu alikhulu namatjhumi alikhomba, isiliva elimakhilogremu ayikulungwana nekhulu kanye nezambatho zabaphristi ezimatjhumi asithandathu nalikhomba.

⁷³ Yeke abaphristi, amaLevi, abalindisango, abavumi, inengi labantu, iinsebenzi zethempeli nama-Israyeli woke gade bahlezi ngemizinabo. Kwathi lokha nakufika inyanga yekhomba, abantu bakwa-Israyeli yabe sele bahlezi emzinabo,