UNERHEMIYA 11 - IsiNdebele 2012 Translation

Abahlali beJerusalema

¹ Ngemva kobana abarholi babantu banzinze eJerusalema, abantu benza ifumbe ngombana bekufuneka munye umndeni njalo kelitjhumi ozokuhlala eJerusalema, idorobho elicwengileko. Eminye imindeni elithoba beyizokuhlala emizaneni eminye.

² Bekuthi lokha umuntu nomndenakhe nabazinikela ukuhlala eJerusalema, abantu bababuke.

³ Amabizo alandelako ngeweenhloko zemindeni ebegade ibuya esifundeni sakwaJuda kobana izokuhlala eJerusalema. Nanyana inengi lama-Israyeli, abaphristi, amaLevi, iinsebenzi zethempelini kanye neenzukulwana zeenkhulu zakaSolomoni belihlala omunye nomunye endawenakhe emizini yakwaJuda,

⁴ amanye wamaJuda namaBhenjamini anzinza eJerusalema. Eenzukulwaneni zakaJuda iinhloko zemindenezo bekungilezi: u-Ataya umsa ka-Uziya omsa kaZakariya umsa ka-Amariya omsa kaTjhefathiya umsa kaMahalaliyeli, okuziinzukulwana zakaPeretsi;

⁵ uMaseya umsa kaBharuki omsa kaKolirhoze umsa kaRhazaya omsa ka-Adaya umsa kaJoyaribu omsa kaZakariya umsa womTjhiloni.

⁶ Zoke iinzukulwana zakaPeretsi ebezihlala eJerusalema bezimakhulu amane namatjhumi asithandathu nabunane. Lawo bekumadoda aziingorho.

⁷ Eenzukulwaneni zakaBhenjamini iinhloko zemindeni bekungilezi: uSalu umsa kaMetjhulamu omsa kaJowedi umsa kaPedaya omsa kaKholaya umsa kaMaseya omsa ka-Itiyeli umsa ka-Isaya;

⁸ uGabhayi noSalayi abafika ngemva kwesikhathi. Isibalo sabo besimakhulu alithoba namatjhumi amabili nabunane.

⁹ Omunye bekunguJoweli umsa kaZikiri, owengamele amadoda lawo, kanye noJuda umsa kaHasenuwa ogade asisandla sakamengameli wedorobho iJerusalema.

¹⁰ Abaphristi bekungilaba: uJedaya umsa kaJoyaribu, uJakini,

¹¹ uSeraya umsa kaRhilikhiya omsa kaMetjhulamu umsa kaTsadokhi omsa kaMerayothi umsa ka-Arhithubi ogade asikhulu sethempeli lakaZimu

¹² nabafowabo egade basebenza ethempelini. Isibalo sabo besimakhulu abunane namatjhumi amabili nambili. Omunye bekungu-Adaya umsa kaJerorhamu omsa kaPelalaya umsa ka-Amatsi omsa kaZakariya umsa kaPatjhirhuri omsa kaMalikiya

¹³ nabafowabo okuziinhloko zemindeni. Isibalo sabo besimakhulu amabili namatjhumi amane nambili. Omunye bekungu-Amatjhisayi umsa ka-Azareli omsa ka-Arhizayi umsa kaMetjhilemothi omsa ka-Imeri

¹⁴ nabafowabo okumadoda aziingorho. Isibalo sabo besilikhulu namatjhumi amabili nabunane. UZabidiyeli umsa kaHagedolimu gade angumengamelabo.

¹⁵ AmaLevi bekungilawa: uTjhemaya umsa kaRhatjhubi omsa ka-Azrikamu umsa kaRhatjhabiya omsa kaBhuni;

¹⁶ uTjhabetayi noJozabadi ebegade bangabanye babaphathi bamaLevi. Bona gade baqalene nomsebenzi ongaphandle kwethempeli lakaZimu.

¹⁷ Omunye bekunguMataniya umsa kaMika omsa kaZabadi umsa ka-Asafa ogade amkhaleli orhola indumiso ngomthandazo. Omunye bekunguBhakhibhukhiya osisandla sakaMataniya. Omunye godu bekungu-Abida umsa kaTjhamuwa omsa kaGalali umsa kaJedutuni.

¹⁸ Sele awoke amaLevi ngedorobheni elicwengileko, bekamakhulu amabili namatjhumi abunane nane.

¹⁹ Abalindisango bekungilaba: u-Akhubu, uThalimoni nabafowabo. Bona bebasoloko baqaphele amasango. Isibalo sabo besilikhulu namatjhumi alikhomba nambili.

²⁰ Inengi lama-Israyeli, abaphristi namaLevi belisemizini eminye yakwaJuda, omunye nomunye azihlalela elifeni lakhe.

²¹ Kodwana iinsebenzi zethempeli bezihlala e-Ofeli, zenganyelwe nguTsirha noGitjhipha.

²² Umengameli wamaLevi eJerusalema bekungu-Uzi umsa kaBhani omsa kaRhatjhabiya umsa kaMataniya omsa kaMika. U-Uzi lo bekusizukulwana sabo-Asafa ebebabakhaleli ekonzweni yokulotjha uZimu ngethempelini.

²³ Imisebenzi yangemihla yabakhalelaba beyingaphasi komyalo owawujanyiswe nguDavida ikosi.

²⁴ UPetharhiya umsa kaMetjhezabeli weenzukulwana zakaZerarhi umsa kaJuda, gade amyelelisi wekosi yePheresiya eendabeni zoke zabantu besifunda sakwaJuda.

Imizi esemaphandleni weJerusalema

²⁵ Mayelana nemizi esemaphandleni: Abanye babantu bakwaJuda bebahlala eKhiriyathi-Araba nemizayo, eDiboni nemizayo, eJekhabitsiyeli nemizanayo.

²⁶ Abanye bebahlala eJetjhuwa, eMolada, eBhethe-Pelethi,

²⁷ eRhatsari-Tjhuwali, eBheritjheba nemizayo,

²⁸ eTsikhilagi, eMekona nemizayo,

²⁹ e-Eni-Rimoni, eTsora, eJarimuthi,

³⁰ eZanowarhi, e-Adulamu nemizanayo, eLakitjhi nemimangwayo, e-Azekha nemizayo. Nje-ke banzinza kusukela eBheritjheba bekwaba semrhobeni weHinomu.

³¹ Abantu bakwaBhenjamini bebanzinze ukusukela eGeba ukuya eMikimasi, e-Aya, eBhethe-Eli nemizayo,

³² e-Anatothi, eNobi, e-Ananiya,

³³ eRhatsori, eRama, eGitayimu,

³⁴ eRhadida, eTseboyimu, eNebhalathi,

³⁵ eLodi, e-Ono nemrhobeni waboSosino.

³⁶ Ezinye iinqhema zamaLevi kwaJuda zahlanganiswa nebakwaBhenjamini.