UNERHEMIYA 10 - IsiNdebele 2012 Translation

¹ Labo abafaka isigibo esibopheni bekungilaba: uNerhemiya umbusi omsa kaRhakaliya noTsedekhiya;

² uSeraya, u-Azariya, uJoromiya,

³ uPhatjhirhuri, u-Amariya, uMalikiya,

⁴ uRhathutjhi, uTjhebaniya, uMaluki,

⁵ uRharimu, uMeremothi, u-Obadiya,

⁶ uDanyela, uGinetoni, uBharuki,

⁷ uMetjhulamu, u-Abiya, uMijamini,

⁸ uMaziya, uBhiligayi noTjhemaya. Boke labo, ukusuka kuSeraya, bekubaphristi.

⁹ AmaLevi bekungilawa: uJetjhuwa umsa ka-Azaniya, uBhinuyi noKhadimiyeli osizukulwana sakaRhenadadi,

¹⁰ bebakhambisana noTjhebaniya, uHodiya, uKhelitha, uPelaya, uRhanani,

¹¹ uMika, uRerhobu, uRhatjhabiya,

¹² uZakuru, uTjherebiya, uTjhebaniya,

¹³ uHodiya, uBhani noBheninu.

¹⁴ Abarholi babantu bekungilaba: uParotjhi, uPharhathi-Mowabi, u-Elamu, uZatu, uBhani,

¹⁵ uBhuni, u-Azigadi, uBebayi,

¹⁶ u-Adoniya, uBhigivayi, u-Adina,

¹⁷ u-Atheri, uHezekhiya, u-Azuri,

¹⁸ uHodiya, uRhatjhumu, uBhetsayi,

¹⁹ uRharifu, u-Anatothi, uNebhayi,

²⁰ uMagipiyatjhi, uMetjhulamu, uRheziri,

²¹ uMetjhezabiyeli, uTsadokhi, uJaduwa,

²² uPhelathiya, uRhanani, u-Anaya,

²³ uHosiya, uRhananiya, uRhatjhubi,

²⁴ uHalorhetjhi, uPilirha, uTjhobekhi,

²⁵ uRerhumu, uRhatjhabina, uMaseya,

²⁶ u-Arhiya, uRhanani, u-Anani,

²⁷ uMaluki, uRharimu noBhana.

^28-29 Inengi labantu bekhethu lazihlanganisa nabosaziwakwabo. Inengelo, abaphristi, amaLevi, abalindisango, abavumi neensebenzi zethempeli, okutjho boke abazahlukanisa nabantu benarha le ngenca yomthetho kaZimu, bazibopha ngamanikelela nangesifungo sokobana bazakukhamba emthethweni kaZimu oweza ngoMosi incekwakhe. Bazibopha bonyana kulondwe bekwenziwe yoke imiyalo, imithetho neemiso zeKosethu uSomandla. Isibopheso besifaka phakathi abafazi babo, amadodanabo, amadodakazabo ebegade asele anokuzwisisa.

³⁰ Lokho kutjho okulandelako: Asizukwendisela amadodakazethu ebantwini benarha le namkha sithathele amadodanethu amadodakazabo.

³¹ Nangabe abantu benarha le baletha ipahla namkha iinthoro kobana basithengisele ngelanga leSabatha, angeze sathenga kibo nakuliSabatha namkha ngelanga elikhethekileko. Ngomnyaka wekhomba asizowalima amasimu begodu sizakusula woke amacala ekufuze akhokhwe.

³² Sazethwesa umthwalo wokobana qobe mnyaka sikhokhe amagremu amane wesiliva kobana kube msebenzi wokulotjha ethempelini lakaZimethu.

³³ Lokho kumalungana nezikwa zobukhona bakaZimu, iminikelo yeenthoro nemihlabelo yokutjhiswa yemihla ngemihla, imihlabelo yamaSabatha, yeminyanya yokuthwasa kwenyanga neyeminyanya ekhethekileko. Godu kumalungana neminikelo ecwengileko kanye neminikelo yehlambululo kobana kwenzelwe u-Israyeli itethelelo. Iye, ukwenza yoke imisebenzi yethempeli lakaZimethu.

³⁴ Thina, okutjho abaphristi namaLevi kanye nabantu, sizokwenza ifumbe malungana nokwethulwa kweenkuni zomlilo ofanele uvuthe njalo e-aldarini lethempeli lakaSomnini uZimethu njengombana kutloliwe emthethweni. Ngalokho sizakwazi bonyana ngimuphi umndeni ofuze ulethe iinkunezo qobe mnyaka ngeenkhathi ezibekiweko.

³⁵ Qobe mnyaka sizakuletha ethempelini lakaSomnini imikhiqizo yokuthoma yehlabathethu nazo zoke iinthelo zokuthoma zemithi yoke.

³⁶ Sizakuletha ethempelini lakaZimethu amazibulo wamadodanethu newefuywethu, okutjho weenkomo, wezimvu neweembuzi njengombana kutloliwe emthethweni. Lokho sizakunikela abaphristi abasebenza ngethempelini lakaZimethu.

³⁷ Sizakuletha ihlamethu yokuthoma kubaphristi esilulwini sethempeli lakaZimu kanye neminikelwethu yeenthelo zemithi yoke neyewayini kanye neyamafutha we-oliva. Sizakunikela kwetjhumi kwesivuno sethu kumaLevi. AmaLevi avunyelwe ukuthatha kwetjhumi kiyo yoke imizethu lapha silima khona.

³⁸ Umphristi okusizukulwana saka-Aroni uzakuba namaLevi lokha amaLevi lawo nakamukela kwetjhumi. AmaLevi azakuletha eendlini zesilulu kwetjhumi kokwetjhumi okungekwethempeli lakaZimethu.

³⁹ Iye, eendlini zesilulwezo abantu bakwa-Israyeli namaLevi bazakuletha umnikelo weenthoro, wewayini newamafutha we-oliva. Lezo-ke zizindlu lapha kukhona izitja zendawo ecwengileko nalapha kusebenzela khona abaphristi, abalindisango nabavumi. Angeze saliselela ithempeli lakaZimethu.