UJOTJHUWA 12 - IsiNdebele 2012 Translation

Irhelo lamakhosi ahlulwa ma-Israyeli

¹ Lawa-ke makhosi weendawo ezahlulwa ma-Israyeli. Athumba iindawo zawezo ezingaphetjheya ngepumalanga yeJordani, ukusuka emlanjaneni i-Arinoni ukuya entabeni iRherimoni, ukufaka phakathi umrhoba woke ongepumalanga yeJordani:

² USirhoni ikosi yama-Amori ogade ahlala eRhetjhibhoni wabusa phezu kwesiquntu seGiliyadi. Umkhawulwakhe usuka edorobheni i-Aroweri eliseligwini lomlanjana i-Arinoni ngekabeni yomrhoba wakhona, ukuyokufika emlanjaneni iJabokhi okumkhawulo wama-Amoni,

³ ukufaka phakathi ipumalanga yomrhoba weJordani ukuyela elwandle leKinerethi nokuyela elwandle le-Araba, okulilwandle leTswayi, nangetjhubeni langeBhethe-Hajetjhimothi. Ngesewula umkhawulwakhe unabela emathomeni wentaba iPisiga.

⁴ Amathomo lawo bekumkhawulo. U-Ogi ikosi yeBhatjhani, ongomunye wemisalela yakwaRafa, gade ahlala e-Atjhitarothi ne-Edreyi.

⁵ Wabusa entabeni yeRherimoni neSaleka nakiyo yoke inarha yeBhatjhani ukuya emkhawulweni wamaGetjhuri newamaMakathi nangaphezu kwesiquntu seGiliyadi ukuya emkhawulweni kaSirhoni ikosi yeRhetjhibhoni.

⁶ UMosi inceku kaSomnini nama-Israyeli bawahlula. UMosi inceku kaSomnini wathatha iinarha zawo wazinikela bakwaRubeni nebakwaGathi nesiquntu sekoro yakwaManase.

⁷ Lawa-ke makhosi weendawo uJotjhuwa nama-Israyeli abazihlula ngetjingalanga yeJordani ukusuka eBhali-Gadi emrhobeni weLibhanoni ukuya entabeni iRhalakha enabela ukuyela ngeSeyiri. (Iindawo zawo uJotjhuwa wazinikela ama-Israyeli ukuya ngokwesabelo seenkoro zawo kobana kube lilifa lazo.

⁸ Iindawezo bekuziintaba, iTjhefela, umrhoba weJordani, iindawo ezithulamelwe ziintaba, irhalawumba nesewula yenarha, okutjho inarha yamaRhithi, ama-Amori, amaKanana, amaPerizi, amaRhivi namaJebusi.) UJotjhuwa wahlula enye nenye yamakhosi alandelako:

⁹ ikosi yeJerikho, ikosi ye-Ayi (ebeyihlanu kweBhethe-Eli),

¹⁰ ikosi yeJerusalema, ikosi yeRhebroni,

¹¹ ikosi yeJarimuthi, ikosi yeLakitjhi,

¹² ikosi ye-Egiloni, ikosi yeGezeri,

¹³ ikosi yeDebhiri, ikosi yeGederi,

¹⁴ ikosi yeRhorima, ikosi ye-Aradi,

¹⁵ ikosi yeLibhina, ikosi ye-Adulamu,

¹⁶ ikosi yeMakheda, ikosi yeBhethe-Eli,

¹⁷ ikosi yeTapuwarhi, ikosi yeRheferi,

¹⁸ ikosi ye-Afekhi, ikosi yeLatjharoni,

¹⁹ ikosi yeMadoni, ikosi yeRhatsori,

²⁰ ikosi yeTjhimironi-Meroni, ikosi ye-Akitjhafi,

²¹ ikosi yeTanaka, ikosi yeMegido,

²² ikosi yeKhedetjhi, ikosi yeJokhineyamu eKarameli,

²³ ikosi yeDori eligwini leDori, ikosi yeGoyimu eGalile,

²⁴ ikosi yeTiritsa. Kwaba makhosi amatjhumi amathathu nanye sele awoke.