UJOROMIYA 45 - IsiNdebele 2012 Translation

Umlayezo oya kuBharurhu

¹ Nakhu uJoromiya umphorofidi akutjela uBharurhu umsa kaNeriya ngomnyaka wesine wokubusa kwakaJehoyakhimu umsa kaJosiya ikosi yakwaJuda ngemva kobana uBharurhu atlole emsongweni amezwi uJoromiya agade ambizela wona:

² “Nakhu okutjhiwo nguSomnini uZimu wakwa-Israyeli kuwe Bharurhu,

³ ‘Wena uthe: Maye mina! USomnini ukhambiselele isizi ebuhlungwini bami. Sese ngiphele amandla ngokuquma begodu anginakuthula.’

⁴ “USomnini uthe kimi angitjele indoda leyo bona nakhu okutjhiwo nguSomnini, ‘Engikwakhileko ngizokugiriza, engikutjalileko ngikusiphule; lokho kungekwenarha yoke.

⁵ Alo, wena uzifunela izinto ezikulu na? Ungakufuni lokho ngombana ngizokwehlisa ihlekelele phezu kwabo boke abantu, kodwana nanyana kukuphi lapha uya khona ngizakusindisa ipilwakho.’ Kutjho uSomnini.”