UGENESISI 36 - IsiNdebele 2012 Translation

Iinzukulwana zaka-Esewu

¹ Naku umlando ka-Esewu okutjho u-Edomu.

² U-Esewu wathatha abafazi emadodakazini weKanana: u-Ada indodakazi ka-Eloni umRhithi, u-Oholibhama indodakazi ka-Ana oyindodakazi kaTsibiyoni, umRhivi

³ noBhasemathi indodakazi ka-Itjhimayeli udadwabo kaNebayothi.

⁴ U-Ada wabelethela u-Esewu u-Elifazi, uBhasemathi wabeletha uRewuyeli,

⁵ u-Oholibhama wabeletha uJewutjhi, uJalamu noKhorarhi. Lawo bekumadodana ka-Esewu abelethelwa wona eKanana.

⁶ U-Esewu gade athethe abafazi bakhe, amadodanakhe, amadodakazakhe nabo boke bomndenakhe, ifuywakhe, zoke iinlwana ezinye kanye nayo yoke ipahla ayizuza enarheni yeKanana, wafudukela enarheni engepumalanga komfowabo uJakopo.

⁷ Ipahlabo besele iyinengi khulu kobana bebangaragela phambili nokuhlala ndawonye. Inarha ebegade bahlala kiyo besele ingasakghoni ukubondla bobabili ngebanga lefuywabo.

⁸ U-Esewu okutjho u-Edomu, wanzinza eentatjaneni zeSeyiri.

⁹ Lo mlando ka-Esewu uyise wama-Edomu wangeentatjaneni zeSeyiri.

¹⁰ Lawa-ke mabizo wamadodana ka-Esewu: u-Elifazi indodana ka-Ada umka-Esewu, uRewuyeli indodana kaBhasemathi umka-Esewu.

¹¹ Amadodana ka-Elifazi bekunguTemana, u-Omari, uTsefo, uGatami noKhenazi.

¹² Indodana ka-Esewu, u-Elifazi, gade anekhohlo ibizo lalo kunguTimna owambelethela u-Amalekhi. Lezo bekuziinzukulwana zomka-Esewu u-Ada.

¹³ Lawa bekumadodana kaRewuyeli: uNarhathi, uZerarhi, uTjhama noMiza. Lezo bekuziinzukulwana zomka-Esewu uBhasemathi.

¹⁴ Amadodana womka-Esewu u-Oholibhama, indodakazi ka-Ana oyindodakazi kaTsibiyoni, awabelethela u-Esewu bekunguJewutjhi, uJalamu noKhorarhi.

¹⁵ Lawa bekumakhosana weenzukulwana zaka-Esewu okumadodana ka-Elifazi izibulo laka-Esewu: ikosana uTemana, ikosana u-Omari, ikosana uTsefo, ikosana uKhenazi,

¹⁶ ikosana uKhorarhi, ikosana uGatamu, ikosana u-Amalekhi. Lawo bekumakhosana abelethelwe ngu-Elifazi enarheni yakwa-Edomu. Wona gade aziinzukulwana zaka-Ada.

¹⁷ Lawa bekumadodana kaRewuyeli umsa ka-Esewu: ikosana uNarhathi, ikosana uZerarhi, ikosana uTjhama, ikosana uMiza. Lawo-ke bekumakhosana abelethelwe nguRewuyeli enarheni yakwa-Edomu. Wona gade aziinzukulwana zomka-Esewu uBhasemathi.

¹⁸ Lawa bekumadodana ka-Oholibhama umka-Esewu: ikosana uJewutjhi, ikosana uJalamu, ikosana uKhorarhi. Lawo-ke bekumakhosana abelethwe mka-Esewu u-Oholibhama oyindodakazi ka-Ana.

¹⁹ Lezo bekuziinzukulwana zaka-Esewu okutjho u-Edomu ebegade zimakhosana weenkoro.

Izakhamuzi zeSeyiri

²⁰ Lawa bekumaRhori, azizakhamuzi zendabuko zeSeyiri: uLothani, uTjhobali, uTsibiyoni, u-Ana,

²¹ uDitjhoni, u-Etseri noDitjhani. Lawo bekumakhosana wamaRhori azizakhamuzi zeSeyiri enarheni yakwa-Edomu.

²² Amadodana kaLothani bekunguRhori noHemami, ukghariyabo kunguTimna.

²³ Lawa bekumadodana kaTjhobali: u-Alvani, uManarhathi, u-Ebali, uTjhefo no-Onami.

²⁴ Lawa bekumadodana kaTsibiyoni: u-Aya no-Ana. U-Ana lo ngowathi aseluse abodumbana bakayise uTsibiyoni erhalawumbeni wazithela phezu kwamagoqo.

²⁵ Laba bekubantwana baka-Ana: uDitjhoni indodana no-Oholibhama indodakazi.

²⁶ Amadodana kaDitjhoni bekungilawa: uRhemdani, u-Etjhibhani, uJitirani noKerana.

²⁷ Naka amadodana ka-Etseri: uBhilirhana, uZavana no-Akhana.

²⁸ Lawa bekumadodana kaDitjhani: u-Utsi no-Arana.

²⁹ Lawa bekumakhosana wamaRhori: ikosana uLothani, ikosana uTjhobali, ikosana uTsibiyoni, ikosana u-Ana,

³⁰ ikosana uDitjhoni, ikosana u-Etseri, ikosana uDitjhani. Bona gade bamakhosana weenkoro zamaRhori ukuya ngokobukhosi benarha yeSeyiri.

Amakhosi wakwa-Edomu

³¹ Lawa kwaba makhosi abusa kwa-Edomu ngaphambi kokobana ikosi yakwa-Israyeli ibuse naphezu kwama-Edomu:

³² UBhela umsa kaBhewori ovela edorobheni leDinihaba.

³³ Lokha uBhela nakahlongakalako, uJobabi umsa kaZerarhi weBhotsira waba yikosi esikhundleni sakhe.

³⁴ Kwathi nakuhlongakala uJobabi, uRhutjhamu wenarheni yamaTemani waba yikosi esikhundleni sakhe.

³⁵ Nakuhlongakala uRhutjhamu, uHadadi umsa kaBhedadi owasahlela bakwaMidiyani esifundeni sakwaMowabi, waba yikosi esikhundleni sakhe. Idorobho avela kilo bekuyi-Avithi.

³⁶ Lokha uHadadi nakahlongakalako, uSamla weMasirekha waba yikosi esikhundleni sakhe.

³⁷ Kwathi lokha nakuhlongakala uSamla, uSawula weRerhobhothi magegana nomlambo waba yikosi esikhundleni sakhe.

³⁸ Nakuhlongakala uSawula, uBhali-Rhanani umsa ka-Akibhori waba yikosi esikhundleni sakhe.

³⁹ Lokha uBhali-Rhanani umsa ka-Akibhori nakahlongakalako, uHadadi waba yikosi esikhundleni sakhe. Idorobho lakhe labizwa bona yiPawu; ibizo lomkakhe bekunguMehethabheli indodakazi kaMathiredi oyindodakazi kaMezahabu.

⁴⁰ Lokha uHadadi nakahlongakalako, amakhosana alandelako la, abusa kwa-Edomu: ikosana uTimna, ikosana u-Aliva, ikosana uJetethi,

⁴¹ ikosana u-Oholibama, ikosana u-Ela, ikosana uPinoni,

⁴² ikosana uKhenazi, ikosana uTemani, ikosana uMibitsari,

⁴³ ikosana uMagidiyeli, ikosana u-Iramu. Lawo bekumakhosana wakwa-Edomu enye nenye emzinayo esifundeni sayo. Ngiwo-ke lowo umlando ka-Esewu, ongukhokho wama-Edomu.