AMARHUBO 99 - IsiNdebele 2012 Translation

Ukudunyiswa kwakaZimu

¹ USomnini uyabusa, izizwe azithuthumele. Uhlezi phezu kwamakerubhi, iphasi alidengezele.

² USomnini mkhulu eZiyoni, wengamele izizwe zoke.

³ Yeke, ibizo lakhe elesabekako alidunyiswe zizizwe. Mbala yena ucwengile!

⁴ Somnini onamandla, mthandi wobulungiswa, wena wabeka ukuhleleka, wenza ubulungiswa nokulunga kwaJakopo.

⁵ Phakamisani uSomnini uZimethu; mlotjheni ebunabelweni beenyawo zakhe. Mbala, yena ucwengile!

⁶ UMosi no-Aroni bebaphakathi kwabaphristi bakhe noSamyela kilabo ababiza ibizo lakhe. Nabalilela uSomnini wabezwa;

⁷ wakhuluma nabo asesikeni yelifu. Bona balonda ubufakazi neemiso abanikela zona.

⁸ Somnini, Zimethu, wabaphendula; waba nguZimu ocolelako kibo, nanyana wababetha ngezono zabo.

⁹ Phakamisani uSomnini uZimethu; mlotjheni entabenakhe ecwengileko. Mbala, uSomnini uZimethu ucwengile!