AMARHUBO 97 - IsiNdebele 2012 Translation

Ingoma yokudumisa uSomnini

¹ USomnini uyabusa; iphasi alijabule, iye, zoke iinarha ezingaphetjheya zithabe!

² Amafu nobumnyama kumphahlile; ukulunga nobulungiswa kusisekelo sesihlalo sakhe sobukhosi.

³ Phambi kwakhe kukhamba umlilo oqothula amanabakhe mazombe.

⁴ Imibanakhe ibaneka ilizwe; iphasi libone lokho lithuthumele.

⁵ Iintaba zincithika njengamanyephe phambi kwakaSomnini, iye, ngebanga lobukhona bomnikazi wephasi loke.

⁶ Amazulu amemezela ukulunga kwakhe nezizwe zoke zibona iphazimulwakhe.

⁷ Boke abalotjhi bemifanekiso bakhenile, iye, labo abazigqaja ngeenthombe zabo. Boke abosingazimu bayaguqa phambi kwakhe.

⁸ IZiyoni nalizwa lokho liyajabula nemizi yakwaJuda iyathaba, iye, ngebanga leengwebo zakho, Zimu.

⁹ Mbala wena Somnini, ephasini loke uphakeme, kibozinyana boke, ungehla khulu.

¹⁰ USomnini uthanda abazonde ubumbi, welusa amaphilo wabathembekileko bakhe, abahlenge esandleni seenkhohlakali.

¹¹ Umkhanyo usabalele kwabalungileko nokwenama kungokwabaqotho ngehliziyo.

¹² Thakasani kuSomnini nina abalungileko, nithokoze ibizo lakhe elicwengileko!