AMARHUBO 82 - IsiNdebele 2012 Translation

UZimu ugweba abozinyana

¹ Irhubo laka-Asafa. UZimu wajama ehlanganweni yezulwini kobana agwebe hlangana nabozinyana:

² Mina Somnini ngathi kibozinyana, “Kuzabe kube nini nigweba ngokungakalungi, nikhetha ubuso beenkhohlakali na?

³ Vikelani amalungelo wohluphekileko nentandani, niphathe isichaka nodududu ngokulunga.

⁴ Hlengani ohluphekileko nokhwahlileko, nibenyule esandleni sabakhohlakeleko.”

⁵ “Kodwana abozinyana abanalwazi nokuzwisisa; bakhamba ebumnyameni; yeke zoke iinsekelo zephasi ziyasikinywa.

⁶ Ngalokho mina ngathi, ‘Nina nibozinyana, ningaphasi kongoPhezulu noke nje.

⁷ Nanyana nibozinyana, nizakufa njengabantu boke; niwe njengazo zoke iinduna.’ ”

⁸ Sikima wena Zimu, ugwebe iphasi ngombana zoke izizwe zingezakho.