AMARHUBO 75 - IsiNdebele 2012 Translation

Ukuthokoza uZimu ngeemangaliso

¹ Kumkhaleli; ngeenodo zengoma ethi, “Ungatjhabalalisi”; irhubo laka-Asafa; ingoma.

² Siyakudumisa Zimu, siyakudumisa! Ibizo lakho liseduze nathi; iimangaliso zakho kufuze kukhulunywe ngazo.

³ Wena uthi: “Ngesikhathi esifaneleko, ngizakugweba ngeqiniso.

⁴ Nanyana iphasi lidengezela nabahlali balo, ngimi obambe iinsika zalo zijame.

⁵ Ngithi kwabazigqajako, ‘Ningazikhukhumezi!’ Kwabakhohlakeleko ngithi, ‘Ningabi nelunda!

⁶ Ningabi nelunda kophezulu, namkha nibe nentanyana nanikhulumako.’ ”

⁷ Iye, ukuphakanyiswa komuntu akuveli epumalanga namkha etjingalanga, ngitjho nerhalawumbeni,

⁸ kodwana nguZimu ogwebako: Omunye uyamehlisa, omunye amphakamise.

⁹ Ngambala esandleni sakaSomnini kukhona ikapho, iye, ikapho enewayini elibilako nelengezwe ngeembiliso. Uqathekela boke abakhohlakeleko bephasi, basele bebarhuqe ngitjho nesiminya sehlama yakhona.

¹⁰ Mina ngizakukhuluma isiphelani ngikhalele ngoZimu kaJakopo

¹¹ ngombana wathi: “Ngizokususa woke amalunda weenkhohlakali, kodwana wolungileko azakuphakanyiswa.”