AMARHUBO 70 - IsiNdebele 2012 Translation

Ukubawa ukuphephiswa kuSomnini

¹ Kumkhaleli; irhubo lakaDavida; livunywa emnikelweni wesikhumbuzo.

² Zimu, yewungiphephise; Somnini, ngisize masinyana!

³ Akuthi abazumana nepilwami bakhene, barhubutjheke bebabaleke; iye, abangisongelako badane.

⁴ Labo abathi, “Arha! Arha!” babuyiselwe emuva ngebanga lokudana kwabo.

⁵ Kuthi abakufunako bathabe bebathakase; abathanda isindiswakho ngesikhathi soke bathi: “Mkhulu uZimu.”

⁶ Mina ngichakile begodu ngidududu, yeke, rhaba uze kimi, Zimu. Wena ulisizo nomhlengami, nje-ke Somnini, ungariyadi!