AMARHUBO 64 - IsiNdebele 2012 Translation

UZimu uhlunguphaza iinkhohlakali

¹ Kumkhaleli; irhubo lakaDavida.

² Zimu, yewungizwe ekububuleni kwami, londoloza ukuphila kwami ekwethuselweni sisitha.

³ Ngifihle esicathaneni sabenzi bobumbi, iye, ekutjitjizeleni kweengilamkhuba;

⁴ kilabo abalola ilimu labo njengesabula, abasophe amezwi anesihlungu njengemisubela,

⁵ kilabo abadumuza onganacala ngokukhukhuthela, bamdumuze angakalindeli. Abantwaba abanavalo;

⁶ bakhuthazana ngehloso embi, babonisana ngokufihla izifu, bathi: “Akungabi nokubonako lokhu.

⁷ Izenzo ezimbi azibonakali, thina simsulwa, isitjhatjhaniso siphethekile!” Omunye nomunye wabo utjhidela ngesibindi.

⁸ Kodwana uZimu uzobadumuza ngomsubela, masinyana balimale.

⁹ Ilimu labo lizabenza bakhutjwe; boke abababonako bathintithe iinhloko,

¹⁰ iye, boke bazakubethwa livalo. Bazakukhuluma lokho uZimu akwenzileko, balemuke izenzo zakhe.

¹¹ Olungileko uzakuthaba kuSomnini begodu aphephele kuye. Boke abaqotho ngehliziyo bazamdumisa.