AMARHUBO 59 - IsiNdebele 2012 Translation

Umthandazo wokusindiswa ezitheni

¹ Kumkhaleli; “Ungatjhabalalisi”; lakaDavida; iMikitamu; lokha uSawula nathumela amadoda kobana agade indlu kaDavida ukuze ambulale.

² Zimami, ngisindisa ezitheni zami, ungivikele kabangivukelako.

³ Ngenyule eengilamkhubeni, ungisindise ebantwini abomele iingazi.

⁴ Qala, bakhukhuthela ipilwami! Iingorho ziyangitlhorholoja kungekho isiphambeko Somnini, iye, kungekho sono kimi.

⁵ Nanyana nginganacala zehla zenyuka kobana zizilungiselele. Sikima Somnini, uzizele ngokwakho uzokubona!

⁶ Wena unguSomnini, uZimu uMninimandlawoke, iye, unguZimu wakwa-Israyeli. Vuka, uhlole zoke izizwe, ungarhawukeli namunye wabakhohlisi.

⁷ Njalo ngantambana bayabuya, babethe umule njengezinja, bazombeleze umuzi.

⁸ Emilonyenabo kugeleza ubukhali, amezwabo ayisabula elimazako, bathi: “Ngubani osizwako?”

⁹ Kodwana wena Somnini uyabahleka, unyefula boke bezizwe.

¹⁰ Somnini, kuqina kwami, ngiqale kuwe; mbala, Zimu, usiphephelo sami.

¹¹ UZimu wokwethembela kwami uzangenyela; iye, uZimu, uzangenza ngiqalele phasi izitha zami.

¹² Somandla, sihlangu sethu, ungazibulali izithezo, ukuze abantu bekhethu bangakukhohlwa. Zisikinye ngamandlakho, uzimadlhe phasi!

¹³ Nazivula imilomo, ziyona ngamezwazo. Nje-ke zenze zibanjwe ekuzikhukhumezeni kwazo, nangebanga lokuthukana namangazo eziwakhulumako.

¹⁴ Ziqede ngobukhali bakho! Ziqede ukuze zingasabakhona! Khona-ke kuzakwazeka emajukujukwini wephasi kobana uZimu ubusa kwaJakopo.

¹⁵ Njalo ngantambama ziyabuya, zibethe umule njengezinja, zizombeleze umuzi.

¹⁶ Zizulazule zifunana nokudla; lokha nazingakasuthi, ziyakhwabitha.

¹⁷ Kodwana mina ngizakuvumela phezulu ngamandlakho nakusako ngihlokome ngokwethembeka kwakho ngombana wena ube siphephelo sami nesiviko ngesikhathi sokubandezeleka.

¹⁸ Wena kuqina kwami, ngizakukhalelela ingoma ngombana wena Zimu, usiphephelo sami, iye, uZimu wokwethembela kwami.