AMARHUBO 54 - IsiNdebele 2012 Translation

UZimu usiza ogandelelweko

¹ Kumkhaleli; ngesililiso seenara; iMaskili; lakaDavida

² ekufikeni kwamaZifu lokha nathi kuSawula: “UDavida ubhace hlangana nathi na?”.

³ Zimu, ngisindise ngebizo lakho, umele amalungelwami ngamandlakho.

⁴ Yizwa umthandazwami, Zimu, ubeke indlebe emezwini womlomami

⁵ ngombana imiqhamuka ingivukele, iindlova zizumana nomphefumulwami, zona azimbeki phambili uZimu.

⁶ Mbala, uZimu umsizami, uSomandla umsekeli wepilwami.

⁷ Uzakubuyisela okumbi ezitheni zami, ngeqiniso lakhe uzazibhubhisa.

⁸ Ngizakunikela kuwe ngomhlabelo wesihle, ngidumise ibizo lakho, Somnini, ngombana lona lihle.

⁹ Mbala, uSomnini ungisindise kiwo woke amatshwenyeko; ilihlo lami liqalela izitha zami phasi.