AMARHUBO 52 - IsiNdebele 2012 Translation

UZimu uhlunguphaza isikhohlakali

¹ Kumkhaleli; iMaskili; lakaDavida

² ekufikeni kwakaDowegi umEdomu oweza kuSawula wafese wathi: “UDavida ufikile endlini ka-Arhimeleki”.

³ Ngorho, uzigqajelani ngobumbi na? Lokhu kulihlazo kuZimu! Ilanga loke

⁴ usophe ukubhubhisa, ilimu lakho linjengotjhevana omutjha, wena menzi wekohliso ndina!

⁵ Uthanda ikohlakalo khulu kunokuhle namanga kunokukhuluma okulungileko.

⁶ Uthanda woke amezwi ayingozi, unelimu elikhohlisako.

⁷ Kodwana uZimu ngokwakhe uzakuphohloza mlibe. Uzakususa akuse kude, akudzwebule etendeni lakho, akusiphule enarheni yabaphilako.

⁸ Abalungileko bazakubona lokho, besabe, bazakuhleka isikhohlakali, bathi:

⁹ “Qala, ingorho engazange yenze uZimu bona abe siphephelo sayo! Yathemba ubunjingakazi bayo, yaqinelela ekubhujisweni kwayo!”

¹⁰ Kodwana mina endlini kaZimu, nginjengomuthi ohlaza we-oliva; ngethemba ukwethembeka kwakaZimu nini nanini.

¹¹ Zimu, ngizakuthokoza isiphelani, ngenca yezinto ozenzileko. Ngibeka ithemba lami ebizweni lakho phambi kwabathembekileko ngombana lona lihle.