AMARHUBO 48 - IsiNdebele 2012 Translation

UZimu uvikela iZiyoni

¹ Ingoma; irhubo; kumaKhorarhi.

² Mkhulu uSomnini uZimethu, ubabazeka khulu emzinakhe. Intabakhe ecwengileko,

³ yihle ngejamo layo, ikujabula kwenarha yoke. Le yintaba yeZiyoni engetlhagwini yomuzi kaSomnini omkhulu.

⁴ UZimu ongaphakathi kwemibhotjhongo yomuzi lo, waziwa bona ubuphephelo.

⁵ Lokha amakhosi nabuthanako, arhwanta ndawonye.

⁶ Kodwana nabona lokho, akhena, abethwa livalo, abhebhula iinthende.

⁷ Lapho gade angenwe mamanzi emadolweni, aba neenhlungu njengomfazi obelethako,

⁸ nanjenganyana ummoya wepumalanga uphadlha imikhumbi yokurhweba.

⁹ Njengombana sizwile, ngokunjalo sibonile emzini kaSomnini uMninimandlawoke, ekumumuzi kaZimethu: UZimu uwunzinzisa isiphelani.

¹⁰ Zimu, sizindla ngokwethembeka kwakho, lokha nasingaphakathi kwethempeli lakho.

¹¹ Njengebizo lakho Zimu, kunjalo ukudunyiswa kwakho: Kufikelela emikhawulweni yephasi. Isandla sakho sokudla sigcwele ukulunga!

¹² Ngalokho intaba yeZiyoni ayijabule, imizana yakwaJuda yename ngebanga leengwebo zakho.

¹³ Zombani iZiyoni, niyibhode mazombe nibale nemitlomogwayo.

¹⁴ Qalisisani kuhle imibundu yomthangalayo, nitlaye emibhotjhongwenayo, ukuze nibikele iinzukulwana ezizako,

¹⁵ nithi: “Lo, nguZimu wamambala! UnguZimethu nini nanini. Usivikela ekufeni.”