AMARHUBO 47 - IsiNdebele 2012 Translation

UZimu umbusi wephasi loke

¹ Kumkhaleli; kumaKhorarhi; irhubo.

² Wahlani izandla, noke nina zizwe! Hlokomelani uZimu ngamezwi wokuthaba.

³ Mbala uSomnini ongoPhezulu, uyasabeka, umbusi omkhulu ngaphezu kwephasi loke.

⁴ Wathobisa izizwe ngaphasi kwethu, iye, iinkoro ngeenkoro ngaphasi kweenyawo zethu.

⁵ Wasikhethela ilifa lethu, igugu lakaJakopo alithandako.

⁶ UZimu wenyuka ngokuhlokoma, iye, uSomnini ukhuphuka ngomdumo wepalapala.

⁷ Dumisani uZimu, dumisani! Iye, dumisani iKosethu, dumisani!

⁸ Mbala uZimu unguSomnini wephasi loke, mdumiseni ngokuzwisisa!

⁹ UZimu ubusa ngaphezu kwabantu. UZimu uhlezi esihlalweni sakhe esicwengileko.

¹⁰ Amakhosana wezizwe ayabuthana, abe nesizwe sakaZimu ka-Abrahamu ngombana kuZimu aziinhlangu zephasi; ngalokho uphakanyiswa khulu.