AMARHUBO 41 - IsiNdebele 2012 Translation

UZimu uvikela ezitheni

¹ Kumkhaleli; irhubo lakaDavida.

² Ubusisiwe onakekela odududu; uSomnini uzamsindisa mhlana kukumbi.

³ USomnini uzamvikela abe amlonde, enarheni uzakubizwa bona ngothakasileko; angeze amnikele entandweni yezitha zakhe.

⁴ USomnini uzamsekela ekuguleni alele. Wena, Somnini uzakuguqula umkghadakhe, aphile ngokupheleleko.

⁵ Nakungimi ngithi: “Ngirhawukele Somnini, ungiphulukise ngombana ngonile kuwe.”

⁶ Izitha zami zikhuluma okumbi ngami, zithi: “Njekhona uzakufa nini ukuze ibizo lakhe liphele na?”

⁷ Lokha naziza kimi, zikhuluma ilize; ihliziywazo igaya iimbozi. Nazisuka lapho, zikhambe zicacatha ngazo.

⁸ Boke abangizondako bahleba ngami; bangihlolozela okumbi, bathi:

⁹ “Unanyathelwe ngokumbi, angekhe asavuka lapha alele khona.”

¹⁰ Ngitjho nomkhozami engimethembako, iye, loyo onghwatha nami ungiphendukele waba mkhapheli.

¹¹ Kodwana wena Somnini, yewungirhawukele, ungivuse ukuze ngizibuyiselele kibo.

¹² Nawenamileko ngami, ngizakwazi ngalokhu: Izitha zami azingathabi ngami,

¹³ kodwana ngebanga lobuqotho bami ungiqinise, ungijamise phambi kwakho njalo.

¹⁴ Akadunyiswe uSomnini uZimu ka-Israyeli, kusukela nini nanini bekube siphelani. Amen, iye, Amen.