AMARHUBO 4 - IsiNdebele 2012 Translation

Umthandazo womuntu othemba uZimu

¹ Kumkhaleli; ngesililiso seenara; irhubo lakaDavida.

² Lokha nangikubizako ngiphendule, wena Zimu welungelo lami. Wangipha isibanga ekubandezelekeni. Yeke yiba nesirhawu kimi, uzwe umthandazwami.

³ Nina bantu, kuzabe kube nini ukuhlonitjhwa kwami kudelelwa na? Kuzabe kube nini nithanda ikohliso begodu nilandelelana namanga na?

⁴ Yazini bonyana uSomnini, uphatha othembekileko kuhle; uSomnini uyangizwa lokha nangilila kuye.

⁵ Lokha nanithathekileko, ningoni; zindlani ngalokho emikghadinenu nibe nokuthula.

⁶ Nikelani imihlabelo efaneleko, nethembe uSomnini.

⁷ Banengi abathi: “Ngathana singabona okuhle! Somnini, yewusikhanyisele!”

⁸ Kodwana kimi mina Somnini, uzalise ihliziywami ngokwenama ukudlula ukwenama kwabo lokha nabavuna iinthoro nalokha iwayini labo livamile.

⁹ Ngokuthula ngizakulala ngizunywe buthongo ngombana nguwe wedwa Somnini ongenza ngihlale ngiphephile.