AMARHUBO 26 - IsiNdebele 2012 Translation

Ukubawa umusa kuSomnini

¹ Irhubo lakaDavida. Ngihlambulula Somnini ngombana ngikhambe ngobuqotho, ngathemba uSomnini ngokungazazi.

² Ngizizinye Somnini, ungiphenye; uhlolisise iziso nehliziywami.

³ Ngebanga lokwethembeka kwakho ngikhamba eqinisweni lakho.

⁴ Angihlali neengilamkhuba, namkha ngizihlanganise nabazenzisi.

⁵ Ngiyawuzonda umhlangano wabenzi bobumbi begodu angeze ngahlala neenkhohlakali.

⁶ Ngihlamba izandla zami, ngimsulwa, iye, ngizombeleza i-aldari lakho Somnini,

⁷ ngokuphakamisa ilizwi lokuthokoza nangokumemezela zoke iimangaliso zakho.

⁸ Somnini, ngiyayithanda indlu ohlala kiyo, iye, lapha kuhlala khona iphazimulwakho.

⁹ Ungangithanyeli nezoni, namkha ipilwami nabantu abomele iingazi.

¹⁰ Ungangithanyeli nabanezandla zokonakala, iye, labo isidla sabo esigcwele ukufunjathiswa.

¹¹ Kodwana mina, ngikhamba ngobuqotho, yeke, ngihlenge ube nomusa kimi.

¹² Inyawo lami lijame ehlabathini elelezekileko; iye, emkhandlwini omkhulu ngizakudumisa uSomnini.