AMARHUBO 23 - IsiNdebele 2012 TranslationUSomnini ungumelusami 1 Irhubo lakaDavida. USomnini ungumelusami, angizukuhlonga litho. 2 Ungilalisa emadlelweni alihlaza, angidosela hlanu kwamanzi endaweni epholileko. 3 Uvusa umphefumulwami, ungirholela endleleni efaneleko. 4 Nanyana ngikhamba ngerharheni lethunzi elesabekako, angizukwesaba okumbi ngombana wena ukimi; intonga nedondolo lakho kuyangiduduza. 5 Uqhisa isithebe phambi kwami, amanabami angiqalile. Uzesa ihlokwami ngamafutha we-oliva ikaphami iyaphuphuma. 6 Ngambala okuhle nokwethembeka kuyangilandela imihla yoke yokuphila kwami. Ngizakubuyela ngekumbeni kaSomnini qobana ngisaphila. |
© Bible Society of South Africa 2012. Used with permission. All rights reserved.
Bible Society of South Africa