AMARHUBO 2 - IsiNdebele 2012 Translation

UZimu nekosi yeJerusalema

¹ Kubayini bezizwe bayaluza nabantu bahumuzela na? Kungelize!

² Amakhosi wephasi ayazihlela, nababusi baluka amaqhinga ngoSomnini nangozesiweko wakhe ngokuthi:

³ “Asivuthuleni iintambo zayo, silahle iimbopho zayo kude nathi.”

⁴ Yena ohlezi emazulwini uyahleka, uSomandla uyabakokomeja.

⁵ Nje-ke ubakhalimela ngobukhali bakhe, abethuse ngelaka lakhe, athi:

⁶ “Ngimi obeke ikosi ekungeyami eZiyoni, entabenami ecwengileko.”

⁷ Umzeswa kaSomnini umemezela isimiso sakhe: “USomnini wathi kimi, ‘Uyindodanami wena; namhlanje ngiyakuvuselela.

⁸ Bawa kimi, ngikunikele bezizwe babe lilifa lakho, nemikhawulo yephasi ibe sisabelo sakho.

⁹ Uzabaphihliza ngentonga yesimbi, ubaphahlaze njengomjeka.’ ”

¹⁰ Ngalokho, makhosi hlakaniphani; khalimekani nina babusi bephasi.

¹¹ Lotjhani uSomnini ngokwesaba, nename ngehlonipho.

¹² Ncwangani iinyawo zendodanayo, nakungasinjalo uZimu uzakuthukuthela bese niyabhubha endleleni. Mbala, ilaka lakhe livutha masinyana. Babusisiwe boke abaphephela kuye.