AMARHUBO 15 - IsiNdebele 2012 Translation

Okufunwa nguZimu

¹ Irhubo lakaDavida. Somnini, ngubani ongakhosela ngetendeni lakho? Ngubani ongaqupha entabenakho ecwengileko na?

² Ngiloyo okhamba ngobuqotho nowenza okulungileko, okhuluma iqiniso ngokupheleleko;

³ ongahlebi abanye, ongenzi okumbi kubafowabo nongahlazisi iinhlobo zakhe.

⁴ Ngiloyo onyaza abaninwa nguZimu, kodwana ahloniphe abesaba uSomnini; ongephuli isifungo nanyana sibuhlungu,

⁵ ongabolekisi imalakhe ngenzalo nongafunjathiswa bona alahle onganamlandu. Owenza izintwezi, angeze anyakaziswa.