AMARHUBO 149 - IsiNdebele 2012 Translation

Ukudumisa ukulunga kwakaZimu

¹ Haleluya! Vumani ingoma etja kuSomnini, idumo lakhe ehlanganweni yabathembekileko.

² U-Israyeli akathabe kumenzakhe; abantwana beZiyoni bahlokome eKosinabo.

³ Abadumise ibizo lakaZimabo ngokugida, bamlilisele abosotjherere namaharibhana.

⁴ Mbala, uSomnini uyabathabela abantu bakhe; abathobekileko ubembathisa ukuhlula.

⁵ Abathembekileko abalilizele ngehlonipho, bahlokome basemikghadinabo.

⁶ Ukuphakamisa uZimu akube semaphinjenabo nesabula ebukhali mahlangothi woke ayibe sesandleni sabo

⁷ ukuze bazibuyiselele kebezizwe, bebahlunguphaze nabantu,

⁸ babophe amakhosabo ngeenketani nabosaziwako bakhona ngamakhamandela,

⁹ baphethe isigwebo kibo sokutloliweko. Lokhu kulidumo kwabathembekileko bakhe boke. Haleluya!