AMARHUBO 142 - IsiNdebele 2012 Translation

Umthandazo wokwethembela kuSomnini

¹ IMaskili lakaDavida; lokha nagade angemrhobeni; umthandazo.

² Ngirhuwelela uSomnini, ngelizwi lami ngizincengela kuye.

³ Ngithululela ukububula kwami kuye, ngibika ikingami phambi kwakhe;

⁴ ngithi: “Wena wazi indlelami lokha ummoyami nawudambileko. Endleleni lapha ngikhamba khona, abantu bangifihlele isifu.

⁵ Akhusuthi uqala ngesidleni sami, akakho noyedwa ongiyelelako; abukho ubuphephelo kimi, akakho umuntu ongitjhejako.

⁶ “Ngirhuwelela kuwe Somnini ngithi, ‘Wena usiphephelo sami; ungikho koke enginakho enarheni yabaphilako.

⁷ Tjheja isililo sami, ngombana ngithotjiswe khulu. Ngephule kwabazumana nami, ngombana banamandla khulu kunami.

⁸ Ngikhuphe ngesikhungweni ukuze ngidumise ibizo lakho. Abalungileko bazangizombeleza, ngombana wena ungiphethe kuhle.’ ”