AMARHUBO 138 - IsiNdebele 2012 Translation

Ukuthokoza nokudumisa

¹ Irhubo lakaDavida. Ngikuthokoza ngehliziywami yoke; ngikudumise phambi kwabosingazimu.

² Ngiguqa nca ngethempelini lakho elicwengileko; ngithokoze ibizo lakho ngebanga lokwethembeka neqiniso lakho. Mbala, uphakamise ibizo lakho ngaphezu kwakho koke. Mayelana nesithembiso sakho:

³ Ngelanga engakubiza ngalo, wena wangiphendula. Wangiqinisa idolo, wanginikela amandla.

⁴ Woke amakhosi wephasi azakuthokoza wena Somnini, lokha nezwa amezwi womlomakho.

⁵ Azakuvuma iingoma ngezenzo zakaSomnini, athi: “Yikulu iphazimulo kaSomnini!”

⁶ Nanyana uSomnini aphakamile, uyamtjheja ophasi. Kodwana ozitjhayako umbona akude.

⁷ Nanyana ngikhamba phakathi kwamanaba, wena ulonda ipilwami etukuthelweni yezitha zami. Welula isandla sakho, iye, isidla sakho singisindise.

⁸ Somnini uyangenyela. Ukwethembeka kwakho, Somnini, kujame isiphelani. Yeke ungalahli umsebenzi wezandla zakho.