AMARHUBO 137 - IsiNdebele 2012 Translation

Isililo ngokubhujiswa kweJerusalema

¹ Ngemiseleni yeBhabheli sahlala phasi, salila lokha nasikhumbula iZiyoni.

² Phezu kwemithi yomdubi saphanyeka amaharibhethu,

³ ngombana abasithumbileko bathi sibavumele ingoma; iye abaphangi bethu bafuna ingoma yethabo, bathi: “Sivumelani yinye yeengoma zeZiyoni.”

⁴ Sizayivuma njani ingoma kaSomnini enarheni etjhili na?

⁵ Nangikhohlwa wena Jerusalema, asizikhohlwe isandla sami sesidla!

⁶ Ilimu lami alinamathele kurhwalabhami, nangabe angikukhumbuli, iye, nakube angilibeki iJerusalema ngaphezu kwesitlhori sokujabula kwami.

⁷ Somnini, khumbula okwenziwe ma-Edomu mhlana kuhlakazwa iJerusalema. Athi: “Bhuruzani! Bhuruzani bekube sesisekelweni salo!”

⁸ Wena Bhabheli, ndodakazi ezakubhujiswa, ubusisiwe ozakubuyisela kuwe, lokho owakwenza kithi!

⁹ Iye, ubusisiwe ohlwitha iinratjhana zakho, aziphahlaze edwaleni!