AMARHUBO 133 - IsiNdebele 2012 Translation

Isibusiso ekuhlalisaneni kwabafo

¹ Ingoma yekhambo lokuya ethempelini; irhubo lakaDavida. Maye kuhle, kumnandi kangangani ukuhlalisana kwabafo ndawonye!

² Kufana nokuzeswa ehloko ngamafutha we-oliva aligugu, ancithikela eendevini, iye, eendevini zaka-Aroni. Ehlela ngitjho nentanyeni yesambatho sakhe.

³ Kufana nehlobo lombethe weRherimoni okhithikela phezu kweentaba zeZiyoni. Mbala, lapha abafo bahlalisana khona, uSomnini ulayeza isibusiso; okutjho ipilo engapheliko.