AMARHUBO 130 - IsiNdebele 2012 Translation

Ukuqalelela kuSomnini

¹ Ingoma yekhambo lokuya ethempelini. Somnini, ngilila kuwe ngisekuzikeni!

² Somandla yizwa iphimbo lami, iindlebe zakho azibe bukhali elizwini lesibawo sami!

³ Somnini, nabegade ubulunga amacala, ngubani obekangaphila na?

⁴ Kodwana wena unokulibalela ukuze uhlonitjhwe.

⁵ Ngiqalelela uSomnini, iye, umphefumulwami uyamqalelela! Sengilindele ilizwi lakhe.

⁶ Umphefumulwami ulindela uSomandla ukudlula ukulinda kwabalinde ukusa, iye, ukulinda kwabalinde ukusa.

⁷ Israyeli, thembela kuSomnini, ngombana unokwethembeka, iye, unokuhlenga okubuyelelweko.

⁸ Nguye ohlenga u-Israyeli emacalenakhe woke.