AMARHUBO 129 - IsiNdebele 2012 Translation

UZimu usiza abamfunako

¹ Ingoma yekhambo lokuya ethempelini. U-Israyeli akatjho lokhu: Bangisahlela kanengi kwasebutjheni bami

² iye, bangisahlela kanengi kwasebutjheni bami, kodwana akhange bangihlule.

³ Abalimi balime emhlanami, benza imiselabo yaba mide.

⁴ Kodwana uSomnini ulungile; uquntile iintambo zeenkhohlakali.

⁵ Kwanga boke abahloye iZiyoni bangadaniswa, bakhahlamezelwe emuva.

⁶ Sengathi bangaba njengotjani ephahleni obutjhwaba busamila.

⁷ Umvuni angeze azalisa ngitjho isandla sakhe nobuthelelako angeze enze isitjherefu ngabo.

⁸ Abadlulako angeze bathi, “Isibusiso sakaSomnini asibe phezu kwenu”, namkha, “Sinibusisa ebizweni lakaSomnini.”