AMARHUBO 127 - IsiNdebele 2012 Translation

Isibusiso somndeni sivela kuSomnini

¹ Ingoma yekhambo lokuya ethempelini; irhubo lakaSolomoni. Lokha uSomnini nakangakhi indlu, iinthukuthuku zabakhi zililize. Lokha uSomnini nangalindi idorobho, abalindi bagada ilize.

² Kulilize bona nivuka ekuseni, niphumule ebusuku ngemva kwesikhathi, nidle ukudla enikujulukeleko. USomnini upha ngokwaneleko amthandako asalele.

³ Qala, abantwana balilifa elivela kuSomnini; isithelo sesibeletho simvuzo ovela kuye.

⁴ Njengemisubela esandleni sengorho, banjalo abantwana bobutjha.

⁵ Ibusisiwe indoda ezalise incilayo ngemisubela leyo. Angeze yaba neenhloni lokha nayimangalela amanabayo ebandla.