AMARHUBO 126 - IsiNdebele 2012 Translation

USomnini utjhugulula ubujamo

¹ Ingoma yekhambo lokuya ethempelini. Lokha uSomnini natjhugulula ubujamo beZiyoni saba njengababhudangako.

² Samomotheka isikhathi soke, ilimu lethu belizele ukuhlokoma. Ezizweni kwathiwa: “USomnini ubenzele izinto ezikulu.”

³ Iye, uSomnini usenzele izinto ezikulu, nje-ke sathaba.

⁴ Somnini, tjhugulula ubujamo bethu njengamadonga erhalawumbeni nalinako!

⁵ Labo abatjala ngeenyembezi bazakuvuna ngokuhlokoma.

⁶ Kwamambala loyo okhamba alila, aphethe umgodla wembewu, uzakubuya ngokuhlokoma, aphethe iintjherefu zakhe zesivuno.