AMARHUBO 124 - IsiNdebele 2012 Translation

Ukuthokoza isindiso

¹ Ingoma yekhambo lokuya ethempelini; irhubo lakaDavida. Nangabe uSomnini bekangekho ngakithi – u-Israyeli akatjho lokhu –

² iye, nangabe uSomnini bekangekho ngakithi lokha abantu nabajamelana nathi,

³ bebazasiginya siphila, lokha ilaka labo nalivutha ngathi.

⁴ Iinkhukhula bezizosithanyelela kude, iinrhurhula ngabe zisigubuzesile;

⁵ iye, amanzi arhageleko ngabe sele asigubuzesile.

⁶ USomnini akadunyiswe ngombana akhange asinikelele njengongazimbi emazinywenabo.

⁷ Siphunyuke njengenyoni ephuma esithiyweni sabathiyi: Isithiyo sonakele, thina saphunyuka!

⁸ Isizo lethu lisebizweni lakaSomnini owenze izulu nephasi.