AMARHUBO 122 - IsiNdebele 2012 Translation

Ithabo lokuya ethempelini

¹ Ingoma yekhambo lokuya ethempelini; irhubo lakaDavida. Ngajabula lokha nabathi kimi: “Asiyeni endlini kaSomnini.”

² Iinyawo zethu sezijame emasangwenakho, Jerusalema.

³ IJerusalema lakhiwe njengedorobho elihlanganiswe ngokuqinileko ndawonye,

⁴ lapha iinkoro zikhuphukela khona, iye, iinkoro zakaSomnini. Ukuthokoza ibizo lakaSomnini kubufakazi ku-Israyeli.

⁵ EJerusalema kuneenhlalo zokugweba, iye, iinhlalo zendlu kaDavida.

⁶ Bawani ukuthula kweJerusalema nithi: “Kwanga abakuthandako bangaba ngabavikelekileko.

⁷ Kube nokuthula ngemithangalenakho nokuvikeleka ngemibhotjhongwenakho.”

⁸ Ngenca yabafowethu nabangani ngizakuthi: “Ukuthula akube ngaphakathi kwakho, Jerusalema.”

⁹ Ngenca yendlu kaSomnini ngizakufuna okuhle ngawe.