AMARHUBO 12 - IsiNdebele 2012 Translation

Isibawo sokusizwa eenkhohlakalini

¹ Kumkhaleli; ngeTjheminithi irhubo lakaDavida.

² Siza Somnini! Abathembekileko abasekho! Ngambala, abaqotho banyamalele ebantwini!

³ Bakhohlisana bodwa, banamalimu ambaqambili begodu babomalakazi.

⁴ Kwanga uSomnini angaqunta amalimu ambaqambili, iye, umlomo okhuluma ngokuzigqaja,

⁵ walabo abathi: “Ngelimu lethu sinamandla, thina sinomlomo wokuzikhulumela, ngubani osiphetheko na?”

⁶ USomnini uthi: “Ngebanga lokobana abadududu bayadlelezelwa, abachakileko bayabubula, mina ngizakusikima kwanjesi, ngizabanikela isindiso abayifisako.”

⁷ Amezwi kaSomnini atsengileko, anjengesiliva elicoliswe emgodini wekehla yomlilo, iye, elihlanjululwe kalikhomba.

⁸ Wena Somnini, uzakulondoloza abadududu, uzabavikela esizukulwanenesi nini nanini.

⁹ Iinkhohlakali zizula yoke indawo namanyala akhulile hlangana nabantu.