AMARHUBO 114 - IsiNdebele 2012 Translation

Iimangaliso zakaZimu kuma-Israyeli

¹ Lokha u-Israyeli naphuma eGibhide, iye, indlu kaJakopo nayiphuma ebantwini belimi elitjhili,

² uJuda waba sisabelo esicwengileko sakaZimu, u-Israyeli waba mbuswakhe.

³ Ilwandle lakubona lokho labaleka, iJordani yajika yabuyela emuva.

⁴ Iintaba zatjakadula njengamaqama, imibundu njengeemvana.

⁵ Kubayini wena lwandle ubaleka, nawe Jordani ubuyela emuva na?

⁶ Kubayini nina ntaba nitjakadula njengamaqama, nani mibundu njengeemvana na?

⁷ Wena phasi, thuthumela phambi kobukhona bakaSomandla, iye, phambi kwakaZimu wakaJokopo,

⁸ owaphendula idwala laba siziba, ilitje eliqinileko laba siyalo.