AMARHUBO 113 - IsiNdebele 2012 Translation

UZimu usiza abadududu

¹ Haleluya! Nina nceku zakaSomnini, dumisani, iye, dumisani ibizo lakaSomnini!

² Alibusiswe ibizo lakaSomnini kusukela nje bekube nini nanini!

³ Kusukela ekuphumeni kwelanga bekube sekutjhingeni kwalo ibizo lakaSomnini kufuze lidunyiswe!

⁴ USomnini uphakeme ngaphezu kwezizwe zoke nephazimulwakhe ngaphezu kwamazulu!

⁵ Ngubani onjengoSomnini uZimethu na? Yena uhlezi ekuphakameni phezulu,

⁶ uyakhothama aqale umkayi nephasi.

⁷ Uvusa abakhwahlileko ebhudwini, asikimise abatlhogileko ezaleni;

⁸ abahlalise namakhosana, iye, namakhosana wabantu bakhe.

⁹ Unikela inyumba ikhaya, ayenze unina ojabulileko wabantwana. Haleluya!