AMARHUBO 110 - IsiNdebele 2012 Translation

Isiqiniseko sokuhlula komphristi kaZimu

¹ Irhubo lakaDavida. Naku umlayezo kaSomnini oya ekosinami: “Hlala ngesidleni sami bekube kulokha nangenza izitha zakho zibe sinabelo seenyawo zakho.”

² EZiyoni uSomnini uzakwelula intonga ekunikela amandla, ngokuthi: “Busa phakathi kwezitha zakho!”

³ Abantu bakho bazimisele ukulandela mhlana amandlakho abonakaliswa ekucwengeni kwephazimulo. Amasokanakho afana nombethe wokudabuka kokusa.

⁴ USomnini ufungile begodu angeze azisole, uthi: “Wena umphristi nini nanini, ngokwendlela kaMalkitsedekhi.”

⁵ Somnini, ikosami engesidleni sakho izakumadlha amakhosi ngelanga lelaka layo.

⁶ Izakugweba hlangana nezizwe, ezizaliswe ngeendumbu; iye, imadlhe ababusi enarheni ngokunabileko.

⁷ Izakusela emlanjaneni ohlanu kwendlela, ngalokho izakuphakamisa ihlokwayo.