AMARHUBO 101 - IsiNdebele 2012 Translation

Indlela elungileko yekosi yabantu

¹ Irhubo lakaDavida. Ngizakukhalela ngokwethembeka nangokulunga, ngokurhubela wena, Somnini.

² Iye, ngizakuyelela indlela epheleleko. Uzakuza nini kimi na? Ngizakukhambakhamba ngesigodlweni sami ngehliziyo eqotho.

³ Angekhe ngabekezelela ubukhohlakali phambi kwami. Ngiyayizonda indlela yeemphambeko; angeze ngathatheka ngayo.

⁴ Ngizakuba kude nehliziyo eneengwegwe; angeze ngaba nendaba nokumbi.

⁵ Loyo ohleba umuntu, ngizamthulisa. Amehlo azitjhayako nehliziyo ezikhukhumezako angeze ngayamukela.

⁶ Ngikhetha abaqotho enarheni ukuze bakwazi ukuphila nami; okhamba endleleni epheleleko nguye ongangisebenzela;

⁷ owenza ikohlakalo angekhe ahlala esigodlweni sami; okhuluma amanga angeze ajama phambi kwami.

⁸ Imihla ngemihla ekuseni ngizakuthulisa iinkhohlakali enarheni, ngisuse zoke iingilamkhuba emzini kaSomnini.