AMARHUBO 1 - IsiNdebele 2012 Translation

Iindlela ezimbili

¹ Ubusisiwe loyo ongangeni esiqhemeni seenkhohlakali, ongajami endleleni yezoni namkha ongahlali esicathaneni sabanyefulako.

² Kodwana ifundiso kaSomnini ikuthaba kwakhe, uyihumuza imini nobosuku.

³ Unjengomuthi otjalwe emiseleni: Uthela ngesikhathi esifaneleko namakarawo akatjhwabi. Umuntu onjalo uyaphumelela kikho koke akwenzako.

⁴ Iinkhohlakali azisinjalo, kodwana zinjengomungu ophetjhulwa mumoya.

⁵ Ngalokho iinkhohlakali azizukujama ebandla nezoni emkhambathini wabalungileko.

⁶ Mbala, uSomnini uyelela indlela yabalungileko, kodwana indlela yeenkhohlakali iyanyelela.